Փարաքարում նախընտրական քարոզարշավից առաջ ՔՊ-ական թեկնածուն մանկապարտեզ բացեց

Փարաքար համայնքի ղեկավարի ժամանակավոր պաշտոնակատար Լյուդվիգ Գյուլնազարյանը նախընտրական քարոզարշավից մեկ օր առաջ մասնակցել է մանկապարտեզի բացման արարողությանը: Արարողությանը ներկա է գտնվել նաեւ մարզպետ Արգիշտի Մեխակյանը եւ այլ պաշտոնյաներ:
«Այսօր մեծ ուրախությամբ մասնակցեցի Արևաշատ գյուղի երկար սպասված մանկապարտեզի բացման արարողությանը։ 30 տարի շարունակ գյուղը զրկված էր մանկապարտեզից, և ահա այսօր, այս կարևոր խնդիրը լուծում ստացավ։
Բացման հանդիսավոր արարողությանը ներկա էին Արմավիրի թեմի առաջնորդ Տ. Սիոն արքեպիսկոպոս Ադամյանը, Արմավիրի մարզպետ Արգիշտի Մեխակյանը, ԱԺ պատգամավոր Էդգար Հակոբյանը և մի շարք այլ հարգարժան հյուրեր։
Այս կարևոր ձեռքբերումը մեծ նշանակություն ունի Արևաշատի համայնքի և հատկապես երեխաների համար, ովքեր այժմ կունենան կրթության և զարգացման նոր հնարավորություններ»,- գրել է նա իր ֆեյսբուքյան էջում։