на Русском
Ընդդիմադիր պատգամավորները դիմել են ՍԴ 
Գավառի մանկատունը փակում եք, ի՞նչ է լինելու 8... 
Մի ասեք՝ պետությունը մտնում է մեր գրպանը, պետությունը ձերն է. Փաշինյան
ՔՊ խմբակցության պատգամավոր Լիլիթ Մինասյանը ԱԺ-Կառավարություն հարցուպատասխանի ժամանակ ՀՀ վարչապետ Նիկոլ Փաշինյանին խնդրեց նշել, թե ինչ նպատակ է հետապնդում պետությունը համընդհանուր հայտարարագրման միջոցով:
«Նախ ուզում եմ հայեցակարգային տրամաբանությունից ելնել. այս համակարգը կարևոր է ապապետությունից պետություն անցման տրամաբանության մեջ, և այսօր էլ դրան անդրադառնալու առիթ եմ ունեցել, որ այդ թվում համընդհանուր հայտարարագիրը այն քայլերից մեկն է, որը, իմ խոր համոզմամբ, մեզ պետականազուրկ ժողովրդի գործելակարգից, որը ես անվանում եմ ռելիկտային գործելակարգ, պիտի առաջնորդի դեպի պետականատեր ժողովրդի գործելակարգ»,- ասաց Նիկոլ Փաշինյանը:
Նա նշեց, որ նպատակները մի քանիսն են:
«Դրանից մեկը հակակոռուպցիոն և կոռուպցիայի կանխարգելման շղթան ամբողջացնելն է, որովհետև, դուք գիտեք և ակնհայտ է, որ կոռուպցիան իրականում չի պարփակվում և սահմանափակվում միայն բարձրաստիճան և ոչ բարձրաստիճան պաշտոնյաներով: Կան բազմաթիվ պաշտոնյաներ, որոնք բարձրաստիճան չեն և բարձրաստիճան պաշտոնյաների համընդհանուր հայտարարագրման մեջ չեն մտնում, ավելին, կան հայտարարագրվող պաշտոնյաների ընտանիքի անդամներ, որոնք համընդհանուր հայտարարագրման համակարգի մեջ չեն մտնում, և, ընդհանրապես, ցանկացած կոռուպցիոն սխեմայում կան քաղաքացիներ, որոնք ոչ մի պաշտոնական կարգավիճակ չեն զբաղեցնում, հետևաբար սա կարևոր է համակարգի կոռուպցիայի կանխարգելման շղթան ամբողջացնելու համար, որպեսզի տեղեր չթողնենք, որ կոռուպցիայի լճեր կամ ավելի մեծ տարածքներ ձևավորվեն»,- ասաց վարչապետը:
Նա ընդգծեց, որ դա կարևոր է սոցիալական քաղաքականությունն ավելի հասցեական և նպատակաուղղված դարձնելու համար: Վարչապետը բացատրեց, որ կան բազմաթիվ նպաստ ստացող մարդիկ, ովքեր բանկերում կարող են մի քանի միլիոն ավանդ ունենալ:
«Մենք ուզում ենք նրանցից, ովքեր օբյեկտիվորեն չունեն այդ փողերի կարիքը, դրանք վերահասցեագրել նրանց, ովքեր օբյեկտիվորեն ունեն դրա կարիքը»,- նշեց Փաշինյանը:
«Մենք համընդհանուր հայտարարագրմամբ նաև ստվերի կրճատման գործառույթ ենք իրականացնում»,- ասաց ՀՀ վարչապետը:
Նա նաև ընդգծեց, որ բյուջեում համընդհանուր հայտարարագրման համակարգից եկամուտ նախատեսված չէ: «0 է եկամուտը: Մենք եկամտային տող չունենք, որ հայտարարագրման արդյունքում մեր բյուջեն կստանա հարյուր դրամ ավելի»,- շեշտեց Փաշինյանը:
«Ամենակարևոր արձանագրումը հետևյալն է, որ սա պետություն լինելու ճանապարհին, պետականատեր ժողովուրդ լինելու ճանապարհին առանցքային քայլ է: Մի՛ ասեք՝ պետությունը մտնում է մեր գրպանը, պետությունը ձերն է, եթե որևէ ձեռք եք զգում ձեր գրպանում, դա ձեր ձեռքն է, ՀՀ սիրելի քաղաքացիներ»,- ասաց նա:
Վարչապետն ավելացրեց, որ մինչև 300 հազար դրամ փոխանցումները չեն հայտարարագրվելու:
«Դրանից ավելին հայտարարագրվելու է, բայց չի հարկվելու»,- նշեց վարչապետը:
