Կարծում եմ՝ Ռեալի երկրպագուները հաճույք ստացան. Մբապե

Մադրիդի «Ռեալի» հարձակվող Կիլիան Մբապեն մեկնաբանել է իր թիմի հաղթանակը Իսպանիայի Լա լիգայի 20-րդ տուրի՝ «Լաս Պալմասի» դեմ խաղում (4:1). Ֆրանսիացին երկու գոլ է խփել, իսկ մադրիդցիները բարձրացել են մրցաշարային աղյուսակի առաջին հորիզոնականը:

«Մեզ համար կարևոր խաղ էր, մենք գիտենք, թե ինչ տեղի ունեցավ երեկ «Ատլետիկոյի» և «Բարսելոնայի» հետ, մենք ցանկանում էինք հաղթել և հաղթեցինք։ Դժվար է շուտ գոլ բաց թողնելը, բայց թիմը լավ արձագանքեց:

Մենք հարձակվողական խաղացինք, տարածություն փնտրեցինք, շատ գոլեր խփեցինք, և կարծում եմ, որ «Ռեալի» բոլոր երկրպագուները հաճույք ստացան խաղից, քանի որ մենք առաջնության առաջատարն ենք»,- Armsport-ի փոխանցմամբ՝ Մբապեի խոսքը մեջբերում է «Madrid Unuversal»-ը «X» սոցիալական ցանցում (նախկինում՝ Twitter):

Մադրիդի «Ատլետիկոն» 44 միավորով երկրորդ տեղում է։ Լավագույն եռյակը եզրափակում է կատալոնական «Բարսելոնան» (39)։