Արաբական ակումբը Բարսելոնայի խաղացողի համար շահավետ առաջարկ է պատրաստում․ հայտնի են մանրամասները

Սաուդյան Արաբիան ներկայացնող «Ալ-Իթիհադը» պատրաստվում է ամռանը ձեռք բերել «Բարսելոնայի» հոլանդացի կիսապաշտպան Ֆրենկի դե Յոնգին: Armsport-ի փոխանցմամբ՝ այս մասին հայտնում է El Nacional-ը։

Աղբյուրի տեղեկություններով՝ սաուդյան ակումբը պատրաստ է «Բարսելոնային» 50 միլիոն եվրո առաջարկել խաղացողի համար։

Հիշեցնենք, որ ավելի վաղ հաղորդվում էր, որ «Բարսելոնայի» ղեկավարությունը վերջնական որոշում է կայացրել ձմռանը վաճառել դե Յոնգին։ Բացի այդ, Հանսի Ֆլիկը հավանություն է տվել այս գործարքին, քանի որ նա այլևս հույս չի դնում հոլանդացի ֆուտբոլիստի վրա։

Ընթացիկ մրցաշրջանում 27-ամյա խաղացողը «կապտանռնագույնների» կազմու մասնակցել է 16 հանդիպման՝ դառնալով 1 գոլի և 1 գոլային փոխանցման հեղինակ։