Վայոց ձորի մարզում բախվել են մեքենաներ. կա վիրավոր
![](/timthumb.php?src=disc/27-07-24/34982e12243db529586afa9931279685.jpg&w=450)
Հուլիսի 21-ին ավտովթար է տեղի ունեցել Վայոց ձորի մարզում։
Ժամը 15:00-ի սահմաններում Գեղարքունիքի մարզի բնակիչ, 30-ամյա Վահրամ Գ.-ն իր վարած «Վազ 21101» մակնիշի ավտոմեքենայով Երևան-Մեղրի միջպետական ավտոճանապարհի 123.8 կմ հատվածում բախվել է նույն ուղղությամբ ընթացող՝ Վայոց ձորի մարզի բնակիչ, 30-ամյա Կարեն Պ.-ի վարած «Վազ 2107» մակնիշի ավտոմեքենային, որն էլ դուրս է եկել երթևեկելի գոտուց դեպի աջ և բախվել ավտոլվացման կետի տարածքում կայանված՝ Վայոց ձորի մարզի բնակիչ, 46-ամյա Վահան Կ.-ի կողմից շահագործվող «Iveco» մակնիշի բեռնատարի կցորդիչին։
Ինչպես հայտնում է Shamshyan.com-ը, վթարի հետևանքով Կարեն Պ.-ն մարմնական վնասվածքներով տեղափոխվել է «Վայոց ձոր» բժշկական կենտրոն։
Դեպքի վայր են ժամանել ՀՀ Ներքին գործերի նախարարության ոստիկանության պարեկային ծառայության Վայոց ձորի մարզի գումարտակի պարեկները՝ գումարտակի հրամանատարի պաշտոնակատար Կարապետ Հարությունյանի գլխավորությամբ։
Ժամանել է նաև Ոստիկանության Եղեգնաձորի բաժնի օպերատիվ խումբը՝ բաժնի պետ Հրազդան Կոստանյանի գլխավորությամբ։
Վթարի փաստով ՊԾ Վայոց ձորի մարզի գումարտակում փաստաթղթեր են ձևակերպվել, և հնարավոր է՝ դրանք փոխանցվեն ՀՀ քննչական կոմիտեի Վայոց ձորի մարզային քննչական վարչություն։
Առավել մանրամասն՝ սկզբնաղբյուր կայքում։