Երևանում «Mercedes»-ի 31-ամյա ոչ սթափ վարորդը բախվել է քաղաքապետարանի տրակտորին. կա վիրավոր
![](/timthumb.php?src=disc/17-06-24/03f99e5736f636e067eb3e2f05ca49db.jpg&w=450)
Հունիսի 16-ին, արտակարգ դեպք է տեղի ունեցել Երևանում։ Ժամը 01:30-ի սահմաններում Երևանի բնակիչ 31-ամյա Խաչատուր Մարտիրոսյանը իր վարած «Mercedes» մակնիշի ավտոմեքենայով Շիրակի փողոցում՝ շրջանաձև երթևեկության հատվածում, դեռևս անհայտ հանգամանքներում բախվել է Երևանի քաղաքապետարանի հաշվեկշռում հաշվառված, ճանապարհի մաքրման աշխատանքներ կատարող տրակտորի, այնուհետև բախվել բետոնե արգելապատնեշին։
Ինչպես հայտնում է ֆոտոլրագրող Գագիկ Շամշյանը, վթարի հետևանքով Խ. Մարտիրոսյանը տեղափոխվել է «Էրեբունի» բժշկական կենտրոն։
Պարեկային ծառայությունն ու քննչական բաժինը պարզել են, որ տրակտորը վարել է Երևանի բնակիչ 65-ամյա Վաչիկ Հունանյանը։
Տրակտորիստն ու «Mercedes»-ի վարորդը ենթարկվել են սթափության փորձաքննության, պարզվել է, որ «Mercedes»-ի վարորդը եղել է ոչ սթափ, նա զրկված է եղել ավտոմեքենա վարելու իրավունքից։
Դեպքի փաստով քննչական բաժնում նախաձեռնվել է քրեական վարույթ։