«Հասարակության բևեռացվածությունը միշտ խնդիր է եղել, բայց 2018-ից հետո այն հասել է խայտառակ ծավալների». «Փաստ»

«Փաստ» օրաթերթը գրում է. «Հայ առաքելական եկեղեցու Տավուշի թեմի առաջնորդ Բագրատ արքեպիսկոպոս Գալստանյանը «Տավուշը՝ հանուն Հայրենիքի» շարժման ողջ ընթացքում պաբերաբար շեշտում է հաշտության, հանդուրժողականության, միասնականության անհրաժեշտության և հասարակության բևեռացվածության անթույլատրելիության մասին:

Իհարկե, այնպես չէ, որ նախկինում մենք հասարակության բևեռացվածության խնդիր չենք ունեցել, սակայն փաստ է, որ 2018 թվականի իշխանափոխությունից հետո Նիկոլ Փաշինյանն ու իր թիմն ամեն ինչ արեցին հանրության մեջ առկա բևեռացումը խորացնելու, թշնամանք ու ատելություն սերմանելու համար: Այդուամենայնիվ, պետք է նշել, որ նույնիսկ ոչ այսքան խորացած բևեռացման պայմաններում «նախկինների» օրոք էլ այդ հարցը առաջին պլանում է եղել: Անգամ իշխանության ներսում այդ քննարկումները քաղաքական փոփոխությունների պատճառ դարձան։ Մասնավորապես, նախկին վարչապետ Հովիկ Աբրահամյանը վարչապետի պաշտոնից հրաժարական ներկայացնելիս խոսել էր այն մասին, որ «հասարակությունը դեռևս մնացել է բևեռացված», և իր հրաժարականով շանս է տալիս լուծելու այդ խնդիրը:

Ըստ այդմ, նա ասել էր. «Ես որոշել եմ հրաժարական տալ և նոր կառավարություն ձևավորելու հնարավորություն ընձեռել հանրապետության նախագահին: Պետք է մտածել մեր բոլորի հաջողության մասին և շանս տալ նոր կառավարությանը՝ կատարված աշխատանքի հիման վրա և նոր մոտեցումներով համախմբելու հասարակությանը»»:

Մանրամասները՝ «Փաստ» օրաթերթի այսօրվա համարում: