Սկանդալ Նիկոլայ Բասկովի և Նատալիի տեսահոլովակի նկարահանման ժամանակ. Նատալիի ամուսինն անակնկալի է եկել՝ տեսնելով մերկ կնոջը (տեսանյութ)

Նիկոլայ Բասկովի և Նատալիի համատեղ տեսահոլովակի ընթացքում սկանդալ է տեղի ունեցել: Երգչուհու ամուսինը պատրաստ չի եղել կնոջը տեսնել «Ռուսաստանի ոսկե ձայնի հետ»:

Նիկոլայ Բասկովի և Նատալիի՝ «Նիկոլայ» երգի տեսահոլովակը երգիչների առաջին համատեղ աշխատանքն է: Դերերը բաշխվել են հավասարապես: Նատալին երգն է գրել, իսկ Նիկոլայն իր վրա է վերցրել նկարահանումը կազմակերպելու պատասխանատվությունը: Երգիչն անձամբ է ընտրել մոդելավորողին և հագուստի դիզայներին, ձեռք բերել իր և զուգընկերուհու նկարահանման համար նախատեսված զգեստները:

Այնպես է ստացվել, որ Նատալիի ամուսինը և նրա պրոդյուսեր Ալեքսանդր Ռուդինը նկարահանման հրապարակում, երկրորդ օրը, անակնկալի է եկել: Բանն այն է, որ սցենարով գլխավոր հերոսները՝ Կեն և Բարբի տիկնիկները, որոնք ապրում են «խաղալիքների շքեղ տնակում», վիճում են, միմյանց ուղղությամբ իրեր են նետում, իսկ վերջում միասին ու մերկ հայտնվում են միևնույն վաննայում:

Խանդոտ ամուսնու աչքերի առջև հառել է հետևյալ պատկերը. Նատալին պառկել է վաննայում, իսկ նրա մարմինը թաքցրել են օճառի փրփուրները: Իմանալով, որ կադրում նրան ուր որ է մոտենալու է Բասկովը, Ռուդինը պահանջել է կասեցնել նկարահանումը և վերանայել սցենարը:

Ինչպես հայտնի է դարձել, Նատալին տեսահոլովակի մանրամասներով ամուսնու հետ չի կիսվել, որոշել է ամուսնուն անակնկալ մատուցել. «Իմ՝ մերկ նկարահանվելու գաղափարն առաջացել է մինչև Կիև թռչելը: Ավելի վաղ, ես ստիպված չեմ եղել տեսախցիկի առաջ մերկանալու, դրա համար մի տեսակ դա իմը չէր: Իսկ այդտեղ ես մտածեցի գեղեցկությունն անցողիկ երևույթ է: Եվ քանի որ ես ինձ հայելու մեջ դուր եմ գալիս, որոշեցի՝ ինչու դա հիշողության մեջ չթողնենք»:

Երգչուհին չի կանխատեսել, որ իր ամուսինը կարող է դեմ լինել իր՝ կիսամերկ նկարահանվելուն: Այդպիսի հիվանդագին արձագանքի պատրաստ չի եղել նաև Բասկովը. «Սաշան առաջին հերթին սիրող տղամարդ է, ես նրան լավ եմ հասկանում: Այնպիսի վառ ու գեղեցիկ կնոջ համար, ինչպիսին Նատալին է, Սաշան պետք է ակնդետ հետևի նրան, քանի որ նա շատերին է դուր գալիս: Բայց մենք նրա հետ ընդամենն ընկերներ ենք: Ցավում եմ, որ նրանք վիճել են և մինչև օրվա վերջ չեն խոսել միմյանց հետ»,- իրավիճակնը մեկնաբանել է Բասկովը:

Նիկոլայի խոսքով՝ ամուսինների մոտ արդեն ամեն ինչ կարգին է: Լսելով սիրելիիի բացատրությունները, Ռուդինն ամեն դեպքում թույլ է տվել երաժիշտներին թողնել մի քանի գունեղ տեսարան: Տեսահոլովակի պրեմիերան նախատեսված է դեկտեմբերի կեսերին: