ՀՀ–ում Ռուսաստանի դեսպանն այցելել է Վայոց Ձորի և Սյունիքի մարզեր

Սեպտեմբերի 28-ին ս.թ Հայաստանում Ռուսաստանի դեսպեն Կոպիրկինը և դեսպանատան ռազմական և ռազմաօդային կցորդ Կոսովը ՀՀ և ՌԴ ԶՈՒ զորքերի միացյալ խմբավորման հրամանատար Փարվանյանի հետ այցելել են Ջերմուկ և Գորիս քաղաքներ։

«Դիվանագիտական ներկայացուցչության ղեկավարը տեղում հանդիպել է հայկական բանակի հրամանատարության ներկայացուցիչների հետ, ծանոթացել հայ-ադրբեջանական սահմանին տիրող իրավիճակին և սեպտեմբերի 13-14-ը գնդակոծության հետևանքով սահմանամերձ շրջաններում հասցված վնասներին»,– ասված է հաղորդագրությունում:

Կոպիրկինն այցելել է նաև Գորիս քաղաքում ռուսական 102-րդ ռազմակայանի առանձին գումարտակային խմբի և Սիսիան քաղաքում ռուսական խաղաղապահ զորախմբի առանձին ավիացիոն խմբի տեղակայման վայրեր:
Կոպիրկինը Վայոց Ձորի և Սյունիքի մարզեր է այցելել դեսպանությանն առընթեր ռազմական և ռազմաօդային կցորդ Վյաչեսլավ Կոսովի և Հայաստանի ու Ռուսաստանի զինված ուժերի միացյալ խմբավորման հրամանատար Տիգրան Փարվանյանի հետ։