Իրանը Ռուսաստանի հետ էլեկտրաէներգիա կփոխանակի Հայաստանի և Վրաստանի տարածքով. ԻԻՀ էներգետիկայի նախարար
![](/timthumb.php?src=disc/17-07-23/2b1d0f7f1f5a80e37d458ac979e5612d.jpg&w=450)
Իրանի էներգետիկայի նախարար Ալի Աքբար Մեհրաբիանը հայտարարել է, որ օրակարգում է Հայաստանի և Վրաստանի տարածքով Իրանի և Ռուսաստանի էլեկտրացանցերի միանալը։
Իրանի Mehr գործակալությունը տեղեկացնում է, որ Ալի Աքբար Մեհրաբիանն այս դիտարկումներն արել Է իրանական ուսանողական լրատվական գործակալությանը (ԻՍՆԱ) տված հարցազրույցում՝ հավելելով, որ Իրանն ու Ռուսաստանը էլեկտրաէներգիա կփոխանակեն նաև Ադրբեջանի տարածքով:
«Ռուսաստանի հետ էլեկտրաէներգիայի փոխանակման համար մենք օգտվելու ենք երկու երթուղուց՝ Ադրբեջանի Հանրապետություն և Հայաստան-Վրաստան, և մենք գտնվում ենք վերջնական բանակցությունների և իրականացման գործընթացում»,- ասել է նա: