Իրանը զորավարժություններ է անցկացնում Կասպից ծովում
![](/timthumb.php?src=disc/08-07-22/88fe0706647e2ca54d136929f61cd6e6.jpg&w=450)
Իրանը ուրբաթ օրը զորավարժություններ է սկսել Կասպից ծովում, հայտնում է IRNA գործակալությունը։
Գործակալության տվյալներով՝ «Շարունակական անվտանգություն 1401» կոչվող զորավարժություններին մասնակցում են ռազմածովային նավեր, կառավարվող և անօդաչու ավիացիան, էլեկտրոնային ռազմական համակարգեր։
Նշվում է, որ ամենամյա զորավարժությունների նպատակը ռազմական կազմավորումների փոխգործակցության մշակումն ու փորձի փոխանակումն է։ Իրանը Կասպից ծովն անվանել է «խաղաղության և բարեկամության ծով»՝ ընդգծելով, որ թույլ չեն տա անվտանգության խախտումներ աշխարհի ամենամեծ լճի տարածքում։