Ռուսաստանի դեմ պատժամիջոցները կարող են պառակտել համաշխարհային ֆինանսական համակարգը

Ուկրաինական ճգնաժամի հետ կապված Ռուսաստանի դեմ համաշխարհային կոալիցիա չկա: Եւ դա կարող է կարեւոր հետեւանքներ ունենալ միջազգային ֆինանսների ապագայի վրա, քանի որ աշխարհի երկրներն արձագանքում են Ռուսաստանի արժութային պահուստները սառեցնելու ԱՄՆ-ի եւ նրա դաշնակիցների քայլերին, գրում է FT-ն:

«Պատժամիջոցները ցնցեցին աշխարհը,- խոստովանում է Ջոն Սմիթը, ով գլխավորում է Morrison & Foerster իրավաբանական ընկերության ազգային անվտանգության պրակտիկան:- Դրանք կոտրեցին շաբլոնը»:

Ռուսաստանի դեմ պատժամիջոցների ուժգնությունը հիմնված է ԱՄՆ դոլարի գերակայության վրա, որն առեւտրի, ֆինանսական գործարքների եւ կենտրոնական բանկի պահուստներում ամենաշատ օգտագործվող արժույթն է։ Այնուամենայնիվ, այս կերպ դոլարը զենքի վերածելով՝ ԱՄՆ-ն եւ նրա դաշնակիցները կարող են բացասական արձագանք առաջացնել, որը կարող է խաթարել ԱՄՆ արժույթը եւ մրցակից բլոկիների պառակտել համաշխարհային ֆինանսական համակարգը, ինչը կարող է վատթարացնել իրավիճակը բոլորի համար:

«Պատերազմները նաեւ խաթարում են արժույթների գերակայությունը եւ կարող են նոր դրամավարկային համակարգեր ծնել»,- ասում է Credit Suisse-ի վերլուծաբան Զոլթան Պոզարը:

Չինաստանը, մասնավորապես, երկարաժամկետ պլաններ ունի, որպեսզի յուանը շատ ավելի մեծ դեր խաղա միջազգային ֆինանսական համակարգում։ Պեկինը դոլարի գերակա դիրքը որպես ամերիկյան հզորության հենակետերից մեկն է դիտարկում, որից ցանկանում է ազատվել: Ուկրաինական հակամարտությունը կամրապնդի այս տեսակետը։

Bank of China-ի նախկին գործադիր փոխնախագահ Չժան Յանլինն անցյալ շաբաթ ասել էր, որ պատժամիջոցները «ԱՄՆ-ի վստահության կորստի կհանգեցնեն եւ կխաթարեն դոլարի հեգեմոնիան երկարաժամկետ հեռանկարում»: Նա առաջարկել է Չինաստանին օգնել աշխարհին «որքան հնարավոր է շուտ ազատվել դոլարային հեգեմոնիայից»:

Դոլարի մահը կանխատեսվել է անթիվ անգամներ։ Իներցիան հզոր ուժ է միջսահմանային ֆինանսներում. երբ արժույթը լայնորեն օգտագործվում է, այն ինքնավերարտադրվող դիրք է դառնում:

Բայց եթե առաջիկա տարիներին դոլարից կայուն նահանջ լինի, ապա ՌԴ ԿԲ-ի դեմ պատժամիջոցները կարող ենոչ թե հակառակորդի վրա ճնշում գործադրելու համարձակ նոր միջոց լինել, այլ՝ այն պահը, երբ դոլարի գերակայությունը կսկսի նվազել:

Վերլուծաբանները նշում են, որ ֆինանսական պատերազմի նախորդ օրինակները հիմնականում կապված էին ահաբեկչության համար փողերի արգելափակման կամ կոնկրետ դեպքերում դրանց տեղակայման հետ, ինչպիսիք են Իրանի միջուկային ծրագիրը: Ռուսաստանի նման մեծ եւ հզոր երկրի վրա հարձակումն աննախադեպ է եւ լավ է, թե վատ, բայց այն կարող է ապագայի պլան դառնալ, պնդում է Վիրջինիայի համալսարանի ֆինանսական իրավունքի պրոֆեսոր Միտու Գուլատին: «Եթե դուք փոխեք կանոնները Ռուսաստանի համար, դուք կփոխեք կանոններն ամբողջ աշխարհի համար,- ասում է նա:- Հենց այդ կանոնները փոխվեն, դրանք ընդմիշտ կփոխեն միջազգային ֆինանսները»: