Ռուդ վան Նիստելռոյն ամռանը կգլխավորի «ՊՍՎ Էյնդհովենը»

45-ամյա հոլանդացի Ռուդ վան Նիստելռոյը ամռանը կզբաղեցնի «ՊՍՎ Էյնդհովենի» գլխավոր մարզիչի պաշտոնը, հաղորդում է ակումբի մամուլի ծառայությունը։ Կողմերը կնքել են երեք տարվա պայմանագիր։ Այժմ Ռուդ վան Նիստելռոյը ակումբի երկրորդ թիմի գլխավոր մարզիչն է։

«Մանչեսթեր Յունայթեդի», «Ռեալի», Նիդեռլանդների հավաքականի նախկին հարձակվողը «ՊՍՎ Էյնդհովենի» գլխավոր մարզիչի պաշտոնում կփոխարինի 55-ամյա գերմանացի Ռոգեր Շմիդտին։

Նիդեռլանդների առաջնության 27 տուրից հետո «ՊՍՎ Էյնդհովենը» 64 միավորով երկրորդն է եւ առաջատար «Այաքսից» հետ է 2 միավոր։