на Русском
Սպիտակի ոլորաններում ձյան տեղումներ են
Վեհափառը նորաօծ քահանաներին հորդորել է հայորդ... 
Սյունիքում ՔՊ-ականներն անցել են բացահայտ տեռորի. «Հրապարակ»
«Հրապարակ» թերթը գրում է.
«Սյունիքում ՔՊ-ականներն անցել են բացահայտ տեռորի՝ հատկապես ճնշում են պաշտոնյաներին, որ նոյեմբերի 14-ին Կապանի ՏԻՄ ընտրություններում ապահովեն ՔՊ-ական թեկնածուի հաղթանակը։ Երեկ տեղեկություն ստացանք, որ Սյունիքի փոխմարզպետ Նարեկ Բաբայանը մարզպետարանի աշխատողներին հանձնարարականներ է իջեցրել եւ մասնավորապես պետական հիմնարկների, հատկապես դպրոցների տնօրեններին մոբիլիզացնելու խնդիր է դրել: Կրթության վարչության պետ Մերի Գանդալյանը հրաժարվել է ենթարկվել, նրա նկատմամբ ճնշումներ են գործադրվել:
Մենք կապվեցինք Մերի Գանդալյանի հետ: Նա ասաց, որ իրեն ասել են՝ դիմում գրի գնա, բայց ինքն աշխատանքից ազատվելու դիմում չի գրել, եւ իր նկատմամբ ծառայողական քննություն են սկսել։ «Ազատման դիմում չեմ ներկայացրել, ծառայողական քննություն է սկսվել պարզապես»,- ասաց Գանդալյանը։
Հարցրինք՝ ճի՞շտ է, որ իրեն ստիպել են ՔՊ-ի օգտին աշխատել, պատասխանեց․ «Ստիպելու բան չի եղել, պարզապես ինձ առաջարկել են` դիմում գրել-հեռանալ, ես ասել եմ, որ չեմ գրում»։
Պարզաբանե՞լ են, թե ինչու են Ձեզ նման բան առաջարկում՝ հարցրինք Գանդալյանին։
«Դեռեւս ոչ։ Ծառայողական քննությունը մինչեւ նոյեմբերի 9-ն է, լիազորություններս դադարեցված են, կսպասեմ ընթացքին»։
Առավել մանրամասն՝ թերթի այսօրվա համարում:
