ԵԱ. Հայաստանի հավաքականը կվերադառնա 10 մեդալով

Բոսնիա-Հերցեգովինայում ընթացող բռնցքամարտի կրտսեր տարիքի պատանիների Եվրոպայի առաջնությունում Հայաստանից ոսկե մեդալների համար կպայքարի 5 մարզիկ։

Արթուր Մելքումյանի գլխավորած հավաքականից եզրափակիչ են դուրս եկել վանաձորցի Վազգեն Քարհանյանը (48 կգ), Շիրակի մարզը ներկայացնող Սպարտակ Նահապետյանը (50 կգ), «Սևան» ՄՀԿ-ն ներկայացնող Անդրանիկ Մարտիրոսյանը (57 կգ), վանաձորցի Արգիշտի Հակոբյանը (63 կգ) և դինամոյական Դավիթ Նիկողոսյանը (75 կգ), հաղորդում է ՀԲՖ-ի մամուլի ծառայությունը։ Կիսաեզրափակիչում հայ մարզիկները հաղթել են մարզաձևում առաջատարներ համարվող Ռուսաստանի, Ուկրաինայի և Սերբիայի բռնցքամարտիկներին։

Վահագն Գալստյանը (42 կգ), Լյովա Կիրակոսյանը (70 կգ), Կարեն Պետրոսյանը (80 կգ), Վիկտորյա Զաքարյանը (38 կգ) և Հեղինե Պետրոսյանը (42 կգ) նվաճել են բրոնզե մեդալներ։