«Ռեալը» կհեռացնի Զիդանին, եթե թիմը տիտղոս չնվաճի

Մադրիդի «Ռեալի» ղեկավարությունը կհեռացնի թիմի ֆրանսիացի գլխավոր մարզիչ Զինեդին Զիդանին, եթե Արքայական ակումբը մրցաշրջանն ավարտի առանց տիտղոսի, հաղորդում է իսպանական AS–ը։ Չհեռացման երաշխիք կլինի հատկապես Չեմպիոնների լիգայի գավաթը։

«Ռեալն» արդեն դուրս է մնացել Իսպանիայի գավաթի խաղարկությունից, Սուպերգավաթի մրցաշարում էլ դուրս չեկավ եզրափակիչ։ Իսպանիայի առաջնության 20 տուրից հետո մադրիդյան ակումբը 40 միավորով երրորդ տեղում է եւ առաջատար «Աթլետիկոյից» (19 խաղ) հետ է 10 միավոր։ 40 միավոր ունի նաեւ երկրորդ տեղում ընթացող «Բարսելոնան»։

Չեմպիոնների լիգայի 1/8 եզրափակիչում «Ռեալը» կմրցի իտալական «Ատալանտայի» հետ՝ փետրվարի 24–ին Իտալիայում, մարտի 16–ին Իսպանիայում։