Daily Sabah-ը քննարկում է Ադրբեջանում թուրքական ռազմաբազայի տեղակայման հնարավորությունները

Թուրքական Daily Sabah թերթը քննարկում է Ադրբեջանում թուրքական ռազմաբազայի տեղակայման հնարավորությունները: «Ադրբեջանում թուրքական ռազմական ներկայության քննարկումը մշտապես կապված է Մոսկվայի եւ Անկարայի միջեւ հարաբերությունների սառեցման կամ ջերմացման հետ, հատկապես երբ բռնկվում է հայ-ադրբեջանական կոնֆլիկտը»,-գրում է թերթը:

«Ռուսաստանը տարածաշրջանում Թուրքիայի խոշոր մրցակիցն է: Ադրբեջանում թուրքական ռազմաբազա կարող է ստեղծվել ՝ ի հակակշիռ Հայաստանում ռուսական ռազմաբազայի: Սակայն թուրքական ռազմաբազայի ստեղծումն ուղղակիորեն կբարդացնի Ռուսաստանի եւ Ադրբեջանի միջեւ երկկողմ հարաբերությունները, ինչպես նաեւ անհանգստության աղբյուր կդառնա Իրանի համար:

Պաշտպանության ոլորտում Թուրքիայի եւ Ադրբեջանի երկկողմ համագործակցությունը որոշում է 2 իրավական հիմքեր: Առաջինը, որը ստեղծվել է 1990-ական թվականների սկզբին, թույլ է տալիս ադրբեջանական անձնակազմի ռազմական պատրաստվածություն անցնել թուրքական ռազմական հաստատություններում: Երկրորդը դա «ռազմավարական համագործակցության» մասին համաձայնագիրն է, որում ուղիղ ասվում է, որ երկու երկրները կօգնեն միմյանց, եթե նրանցից մեկն ինքնապաշտպանության իրավունք պահանջի՝ համապատասխան ՄԱԿ-ի Կանոնադրության 51-րդ հոդվածի:

Օգոստոսի 13-ին Ադրբեջանի նախագահ Իլհամ Ալիեւն Ադրբեջանում հանդիպել է Թուրքիայի պաշտպանության նախարար Հուլուսի Աքարի, գեներալների շտաբի պետ Յաշար Գյուլերի, Թուրքիայի ցամաքային, ռազմաօդային եւ ռազմածովային ուժերի հրամանատարների եւ այլ բարձրաստիճան անդամների հետ:

Այցի ընթացքում երկու կողմերը մասնակցել են խոշորամասշտաբ թուրք-ադրբեջանական ռազմական մանեւրներին Բաքվում, Նախիջեւանում, Կադժախում, Կորդիմերում եւ Յուլախում: Այդ զորավարժությունները սկսվել են հուլիսի 29-ին եւ կշարունակվել են մինչեւ օգոստոսի կեսերը:

Հուլիսի կեսին ադրբեջանական ռազմական պատվիրակությունը այցելել է Թուրքիա եւ հանդիպել Թուրքիայի պաշտպանության նախարարի եւ զինված ուժերի պետերի մեծամասնության հետ:

Ադրբեջանական ԶԼՄ-ների տեղեկություններով՝ Բաքուն եւ Անկարան շատ կարեւոր փաստաթղթեր են պատրաստել, կողմերը քննարկել են Նախիջեւանում թուրքական ռազմաբազայի ստեղծման հարցը:

Ադրբեջանցի քաղաքագետ Գաբել Հուսեյն Ալին հայտնել է, որ թուրքական պատվիրակության պատասխան այցի ընթացքում քննարկվել են Նախիջեւանում թուրքական ռազմաբազայի եւ Ապշերոնի թերակղզում եւս մեկ ռազմաբազայի ստեղծման հարցերը:

«Անկախ նրանից, թե արդյոք Թուրքիան ռազմաբազա կստեղծի Ադրբեջանի, թե՝ ոչ, պետք է նշել, որ մի քանի տարի առաջ Թուրքիան ռազմաբազաներ չի ունեցել իր տարածքներից դուրս՝ բացառությամբ Կիպրոսի օկուպացված տարածքում ռազմական ներկայության, իսկ այսօր Թուրքիան ռազմաբազաներ ունի Սոմալիում, Կատարում, Իրաքում եւ Սիրիայում»,-եզրափակում է թերթը: