на Русском
Ոչ ոք չպետք է լռի բռնության առջև, դա յուրաքան... 
Հպարտ եմ կրթվելու և լուսավորվելու մեր պապերի ... 
Չինաստանը ժամանակին չի ընդունել կորոնավիրուսի տարածման դեմ պայքարի միջոցառումները. Թրամփ
ԱՄՆ նախագահ Դոնալդ Թրամփը կարծում է, որ Չինաստանը նոր կորոնավիրուսի տարածումը կանխելու համար միջոցառումները ժամանակին չի ընդունել: Վաշինգտոնը մտադիր է պարզել, թե դա ինչով էր պայմանավորված, փոխանցում է ՏԱՍՍ-ը:
Կիրակի Թրամփը Fox News հեռուստաալիքի եթերում վիրուսի մասին խոսելիս նշել էր. «Այն Չինաստանից է եկել: Այն պետք է անմիջապես կասեցնեին: Նրանք նախընտրել են դա չանել, կամ ինչ-որ բան է տեղի ունեցել: Բանը կա՛մ ոչ բանիմացությունն է, կա՛մ: Նրանք ինչ-որ պատճառով դա չեն արել»: «Մենք ստիպված ենք պարզել, թե ինչ պատճառ էր դա»,- շեշտել է Թրամփը:
Թրամփը վստահ է, որ Չինաստանի իշխանությունները կորոնավիրուսի տարածման դեմ պայքարի ամենավաղ փուլում են սխալ կատարել, այնուհետեւ մոլորության մեջ են գցել միջազգային հանրությանը՝ փորձելով այն թաքցնել:
«Կարծում եմ, որ դրանում կասկած չկա»,- ասել է Թրամփը՝ պատասխանելով այն հարցին, թե համարո՞ւմ է արդյոք, որ Չինաստանը միջազգային հանրությանը մոլորության է մատնել: «Մենք ցանկանում էինք [կորոնավիրուսի դեմ պայքարին] միանալ շատ վաղ փուլում, իսկ նրանք չցանկացան, որ դա անենք: Եվ դուք դեռ կտեսնեք, թե դա որքան վաղ է եղել»,- հավելել է Թրամփը:
«Ես անձամբ կարծում եմ, որ նրանք հրեշավոր սխալ են թույլ տվել եւ չեն ցանկացել դա խոստովանել»,- ասել է ԱՄՆ նախագահը:
ԱՄՆ պետքարտուղար Մայքլ Պոմպեոն կիրակի հայտարարել էր Վաշինգտոնի տրամադրության տակ եղած ապացույցների մասին, որ կորոնավիրուսն իբր սկսել է տարածվել Ուհանի լաբորատորիայից: Պոմպեոն դրական էր պատասխանել հարցին այն մասին՝ համարո՞ւմ է արդյոք, որ վիրուսն արհեստականորեն էր ստեղծված: Պետքարտուղարը նաեւ Չինաստանի իշխանություններին հերթական անգամ մեղադրել է վիրուսի տարածման մասին տեղեկությունների մի մասը թաքցնելու մեջ:
