Հարկայինն ընդունել է, որ անզոր է պարտքերը Պետրոսյանից եւ Ստեպանենկոյից գանձելու հարցում

Դատական կարգադրիչները փնտրում են հումորիստ Եվգենի Պետրոսյանին եւ նրա նախկին կնջը՝ Ելենա Ստեպանենկոյին։ Նրանք հարկայինին պարտք են 101 ռուբլի։ Այս մասին տեղեկացնում է Telegram-ալիք Mash-ը։

Ինչպես պարզվել է, հումորիստները այդ գումարը չեն վճարել գրասենյակային կենտրոնի շենքի համար, որոնց տերն են համարվում իրենց բնակշինարարական կոոպերատիվի միջոցով։ Քանի դեռ նրանք միասին էին ապրում, «Մոսկվացու ժպիտ» ԲՇԿ-ի համահիմնադիրներն էին եւ կանոնավորապես վճարում էին հարկերը։ Պարտքն առաջացավ այն բանից հետո, երբ նրանց փոխհարաբերությունները վատացան։ Չնայած գումարը մեծ չէ, Ստեպանենկոն եւ Պետրոսյանը այն մարել չեն կարող. ամուսնալուծության ընթացքում նրանց գույքը եւ հաշիվները կալանքի տակ են։ Կալանքը դրվել է նախկին ամուսինների 1,5 մլրդ ռուբլի արժողությամբ գույքի վրա։ Ստեպանենկոյի հաշիվները սառեցվել են Պետրոսյանի միջնորդությունից հետո, իր իսկ հաշիվները սառեցվել են ամուսնալուծության գործընթացի հենց սկզբից։

Պետրոսյանը եւ Ստեպանենկոն 2018 թվականին պաշտոնապես գրանցել են ամուսնալուծությունը երեսուներեք տարվա համատեղ կյանքից հետո։ Ամուսինները չեն շփվում արդեն մեկ տարուց ավելի եւ կիսում են միլիարդավոր ռուբլիներ արժեցող գույքը։

2019 թվականի աշնանը Պետրոսյանի փաստաբանը պատմել էր, որ իր պաշտպանյալի նախկին կինը հավակնում է ամուսնության ընթացքում ձեռք բերված ամբողջ անշարժ գույքին, բացի մի բնակարանից՝ Զաչատեւյան նրբանցքում (մայրաքաղաքի Զոլոտայա միլյա շրջան), որի արժեքը իրավաբանը նախնական գնահատում է 369 մլրդ ռուբլի։ Սերգեյ Ժորինը նշել է, որ իր պաշտպանյալը հույս ունի գույքը հավասար կիսել, այնինչ նրա նախկին կինը ցանկանում է ստանալ մոտ 80 տոկոս։