Ինչպե՞ս վերադարձնել մարմնի տոնուսը ձմերուկի միջոցով
Երկար սպասված, թեժ և արևոտ ամառվանից հետո մաշկը, ցավոք սրտի, կորցնում է խոնավությունը և տոնուսը: Այն դառնում է պակաս առաձգական և էլաստիկ, խանգարվում են դրա պաշտպանական ֆունկցիաները:
Ինչպե՞ս վերադարձնել մաշկի բնական գեղեցկությունը:
Ջրազրկումը ամենահաճախ հանդիպող վիճակն է ցանկացած մաշկի դեպքում: Հիդրոլիպիդային բալանսի վերականգնման համար հաճախ պահանջվում են ժամանակ, մաշկի խնամքի համար հախատեսվախ բազմաթիվ միջոցներ և, իհարկե, ֆինանսական ներդրումներ: Իսկ ի՞նչ անել, որպեսզի մաշկի վերականգնման պրոցեդուրան լինի իսկապես «համեղ», հետաքրքիր և ամենակարևորը` էֆեկտիվ:
Պարզվում է` ձմերուկի սեզոնը կարելի է օգտագործել նույնիսկ մաշկի գեղեցկության նկատառումներով: Ձմերուկից պատրաստված սառցե խորանարդիկները հիասքանչ օգնականներ են ջրազրկված մաշկի խնամքի հարցում: Այս հատապտուղը հիասքանչ հակաօքսիդանտ է, մաքրում է մեր օրգանիզմը թունավոր նյութերից`տոքսիններից և հագեցնում է այն օգտակար վիտամիններով և միկրոտարրերով:
Ձմերուկից պատրաստված սառցե խորանարդիկները տոնուսավորում և խոնավեցնում են մաշկը, վերադարձնում են դրա թարմ և առողջ գույնը, բնական գեղեցկությունը և փայլը: Դա պատրաստելը շատ հեշտ է. ձմերուկի հյութը լցրեք խորանարդիկների համար նախատեսված ձևավոր տարայի մեջ և դրեք սառցարանը:
Խորհուրդ է տրվում դեմքը մաքրելուց և լվանալուց հետո մեկ ամսվա ընթացքում այն տրորել ձմերուկի խորանարդիկներով: Պրոցեդուրան կարելի է անել առավոտյան և/կամ երեկոյան: Դրանից հետո ցանկալի է դեմքը սրբել զգայուն մաշկի համար նախատեսված տոնիկով և պատել խոնավեցնող քսուքով: Արդեն 2 շաբաթ անց Դուք կտեսնեք, թե ինչպես է Ձեր մաշկը փայլում թարմությամբ, դառնում առաձգական, հարթ և էլաստիկ: Բացի այդ, Դուք կվերադարձնեք այտերի առողջ կարմրությունը: