Իրինան, Լիան, Մարինկան, Մարիամը, Մարին եւ այլ հայտնիներ՝ Մերի Սարիկյանի՝ «Կրկին 7-րդ երկնքում» գրքի շնորհանդեսին (Լուսանկարներ)

Գերմանաբնակ բլոգեր եւ հեղինակ Մերի Սարիկյանն օրերս Երեւանում ներկայացրեց իր երկրորդ՝ «Կրկին 7-րդ» երկնքում գիրքը, որը զույգերի հարաբերությունների եւ ներդաշնակության հասնելու մասին է:

«Մայրիկի օրագիրը» գրքի հեղինակն իր նոր գրքում անդրադարձել է երեխայի ծնունդից հետո զույգերի հարաբերություններին եւ ձեռք բերված երջանկությունը պահպանելու մեթոդներին:

«Գիրքը մի քանի գլուխ ունի. առաջինում խոսվում է այն մասին, թե ինչն է խանգարում հարաբերությունների ներդաշնակությանը, այսինքն՝ փորձում ենք հասկանալ պատճառներն ու կանխել դրանք: Այնուհետեւ ներկայացվում է վիճելու արվեստը: Չկան կոնֆկիկտազուրկ փոխհարաբերություններ. կոնֆլիկտը ցանկացած հարաբերության մի մասն է կազմում, սակայն այն կարելի է կառուցողական լուծել եւ, նույնիսկ, շահած դուրս գալ: Նախավերջին հատվածում խոսվում է այն մասին, թե ինչպես կարելի է պահպանել ներդաշնակ փոխհարաբերությունները: Եթե առաջին գլխում հասկանում ենք խոչընդոտները, այս գլխում՝ հակառակը՝ ինչ պետք է անել, ինչով նպաստել, որպեսզի հրաբերությունները միշտ սիրառատ լինեն, որպեսզի երջանկությունն ամրապնդվի: Ինչպես «Մայրիկի օրագրի» դեպքում՝ այս գրքի վերջում էլ ներառված է օրագրային հատված, որտեղ կա 5 հարց. դրանք պատահական չեն, այլ հոգեբան-խորհրդատուների կողմից մշակված հարցեր, որոնց մարդն ամեն օր պատասխանելով՝ որոշակի մտածելակերպ է ձեռք բերում: Ճիշտ հարցերը բերում են ճիշտ պատասխաններ, որոնք մեզ ուղղորդում են ճիշտ քայլերի»,-ասում է Մերին:

Գրքի շնորհանդեսն անցել է ինտերակտիվ քննարկման տեսքով: Բացի Մերիից իրենց խոսքով եւ խորհուրդներով հանդես են եկել նաեւ փաստաբան Անուշ Հարությունյանը եւ քնի խորհրդատու Աստղիկ Նադարյանը:

Շնորհանդեսին ներկա էր մոտ 120 հյուր, այդ թվում՝ հայկական շոու-բիզնեսի հայտնիներ՝ Իրինա Թովմասյանը, Լիա Զախարյանը, Մարինկա Խաչատրյանը, Մարիամ Ալեքսանյանը, Մարին, Սաթենիկ Հազարյանը, մոդել Մարիամ Դավթյանը եւ այլք:

Նյութի սկզբնաղբյուրը՝ News.am Stile