Վստահ եմ, որ իմ սերը հեքիաթային է լինելու. Տաթև Իրիցյան

Operativ.am-ի Բլից հարցման զրուցակիցը Տաթև Իրիցյանն է: Նրան շատերը ճանաչում են «Դժվար ապրուստ» հեռուստասերիալից, որտեղ նա մարմնավորում էր Էսթերի կերպարը: Նրա հետ խոսել ենք սիրուց, հեքիաթներից, հաջողություններից և այլն: Տաթև Իրիցյանը պատասխանել է նաև մեր «եթե...» հարցերին:

-Ձեր սիրած վայրը Հայաստանում:

Աբովյան փողոցը, այնտեղի հետ կապված շատ լավ հիշողություններ ունեմ:

-Սիրած գիրքը...

Կոնկրետ գիրք չկա, բայց շատ եմ սիրում Պաուլո Կոելյոյի գործերը:

-Մի՞րգ, թե՞ քաղցրավենիք:

Քաղցրավենիք:

-Եթե տղա ծնվեիք, ապա ի՞նչ կանեիք:

-Բանակ կգնայի:

-Եթե հնարավորություն լիներ տեսնել ապագան, ապա ի՞նչ կցանկանայիք իմանալ:

Թե որտեղ կլինեմ տասը տարի հետո, որ երկրում, ինչպիսին կլինի իմ կարգավիճակը, ինչերի հասած կլինեմ, այդ ամենն արդյո՞ք կերջանկացնի ինձ:

-Եթե հնարավորություն լիներ վերադառնալ մանկության գիրկը, ապա կրկին քանի՞ տարեկան կցանկանայիք լինել:

Չեմ ցանկանում վերադառնալ մանկություն, որովհետև այն շատ հետաքրքիր է եղել, բացեր չկան, որ վերադառնամ ու լրացնեմ:

-Իսկ եթե հնարավորություն լիներ դարերով ետ գնալ, ապա ու՞ր կցանկանայիք հայտնվել:

Կցանկանայի տեսնել նորաձևության առաջին քայլերը: Դա երևի պայմանավորված է իմ մասնագիտությամբ: (Թեպետ քչերը գիտեն, սակայն Տաթև Իրիցյանը մասնագիտությամբ դիզայներ-մոդելավորող է, հիմնականում պատրաստում է վզկապներ):

-Եթե կարողանայիք հայտնվել որևէ հեքիաթում, ապա ինչպիսի՞ն կլիներ այդ հեքիաթը:

Բարի և սիրով լի:

-Իսկ կա՞ որևէ հեքիաթ, որի հերոսուհու փոխարեն կցանկանայիք լինել:

Երևի Մոխրոտի, որովհետև նրա սերը հեքիաթային է: Վստահ եմ, որ իմ սերն էլ է այդպիսին լինելու:

-Եթե սիրել, ապա…

Ամբողջ սրտով և ընդմիշտ:

-Եթե ներել, ապա…

-Ներել և մոռանալ, առաջ շարժվել, հիշաչար չլինել:

-Ձեր կյանքի ամենավատ հիշողությունը:

-Երբ ծնողներիցս հեռու էի, կարոտում էի, բայց այդ մասին չեմ ցանկանում խոսել:

-Սխալ, որի համար երբեք չեք զղջացել...

Ես երբեք չեմ զղջում իմ արածների համար, միայն բաց թողնված հնարավորությունների համար եմ զղջում, եթե լինում են այդպիսիք:

-Երեք բան, որ երբեք կյանքում չեք անի...

 Չեմ դավաճանի, չեմ նախանձի և չեմ ուրանա…

-Հաջողության Ձեր գաղտնիքը…

-Վստահ եմ, որ ամեն ինչ ինձանից է կախված: Հավատում եմ, որ կարող եմ:

Զրուցեց Նազենի Բաղդասարյանը