«Էլարդի» փորձագետն ու «Լիդիանի» ներկայացուցիչը վիճել են «Էլարդի» փորձագետների հետ տեսակոնֆերանսի ժամանակ (Տեսանյութ)

«Էլարդի» փորձագետների հետ տեսակոնֆերանսի ժամանակ «Լիդիան» ընկերության ներկայացուցիչը խնդրեց «Էլարդ»-ի փորձագետներից հիդրոերկրաբան Նիդալ Ռաբահին բացատրել, թե թերությունները, որ մատնանշվում է փորձագետի կողմից, ըստ որ ստանդարտի է նշվում։

«Արդյո՞ք ծանոթ եք ՀՀ օրենսդրությանը, որը միգուցե որոշ մարդկանց մեկնաբանությամբ հստակ չի սահմանում, համենայն դեպս կա գրված, թե որ դեպքերում է վերանայվում ՇՄԱԳ-ը, եւ արդյո՞ք նայել եք միջազգային ստանդարտները, եւ ո՞ր մի ստանդարտն է, որ մեր ԲՍԱԳ/ՇՄԱԳ-ը չի համապատասխանում, որի արդյունքում անհրաժեշտություն է առաջանում նոր ՇՄԱԳ /ԲՍԱԳ–ի։ Մեր նախագիծը բազմիցս փորձաքննության է ենթարկվել միջազգային կազմակերպության կողմից եւ արձանագրել է IFC եւ EBRD ստանդարտներին համապատասխանություն»,–նշեց «Լիդիանի» ներկայացուցիչը։

«Էլարդի» փորձագետը զարմացավ, որ քննարկմանը ներկա է նաեւ «Լիդիանի» ներկայացուցիչը. «Ես տեղյակ չէի, որ «Լիդիան»-ի ներկայացուցիչը ներկա է լինելու քննարկմանը։ Մենք «Լիդիան»-ի ներկայացուցիչների հետ ծավալուն հաղորդակցություն ենք ունեցել մեր եզրակացության նախագիծը ներկայացնելուց հետո, այդ քննարկումները ծավալուն եւ հանգամանալից վերանայել են բոլոր փաստաթղթերը ոչ միայն ՇՄԱԳ-ը եւ սոցիալական ազդեցության գնահատումը, այլ նաեւ մի մեծ ծավալ «Լիդիան»-ի ներկայացրած փաստաթղթերի, ինչպես նաեւ Քննչական կոմիտեի ներկայացրած փաստաթղթերի, նաեւ տարբեր տվյալների շտեմարաններում մեր կատարած որոնումների արդյունքում ստացված փաստաթղթերի։ Կրկնում եմ, ՇՄԱԳ-ը նորից պատվիրելը իմ ասելիքը չէ՝ արժե՞ դա անել, թե՞ չէ, կամ երբ։ Ես գիտեմ, որ մի շարք մոդելավորումներ եւ ուսումնասրություններ, եւ մենք այդ ամենը ե՛ւ գրավոր, ե՛ւ բանավոր ծավալուն քննարկել ենք ձեր ներկայացուցիչների հետ, դուք ունեք բազմաթիվ թերացումներ, եւ չեմ կարծում՝ սա ճիշտ տեղն է դրանք քննարկելու։ Դուք շատ լավ գիտեք, թե ինչի մաիսն է խոսքը»։

ՀՀ վարչապետ Նիկոլ Փաշինյանը նշեց, որ իր կարծիքով դա ամենաճիշտ տեղն է այդ հարվերը քննարկելու համար, որին ի պատասխան «Էլարդի» փորձագետը պարզաբանեց։

«Դուք ներկայացրել եք 11-էջանոց պատասխան մեր հաշվետվության նախագծին, մենք արձագանքել ենք դրանցից յուրաքանչյուրին, հարցեր ենք ավելացրել եւ ՔԿ-ի միջոցով ձեզ հարցեր ենք ուղղել, դուք այդ հարցերի մեծ մասին չեք պատասխանել, կամ պատասխանները պարզապես շրջանցող են եղել իրենց էությամբ։ Մի քանիսը ձեր պատասխաններից մեզ նույնիսկ օգնեցին բարելավել մեր գնահատումը, կոնկրետ կարող եմ ասել, թե որոնք, բայց եւ այնպես ինձ ասել, թե սա ճիշտ տեղը կլինի քննակել այդ 11 էջը եւ մեր 30 էջը պատասխանի, երեւի արդարացի չէր լինի, ինչեւէ։ Դուք ձեր գնահատումը ձախողել է մի քանի կարեւոր, առանցքային ուղղություններով կարեւոր առանցքային ուսումնասիրություններ կատարել։ Ձեր ուսումնասիրությունը կենտրոնացրել եք հորերի մասով։ Ինչ–որ մեկն ասաց, որ դուք պատրաստ եք բաց թողած միջոցառումներն իրականացնել, բայց դրանով դուք ընդունում եք, որ թերացել եք։

Ձեր գնահատումը, ես պնդում եմ, թերի է, եւ մի շարք գործողություններ ընդանրապես չեն էլ ուսումնասիրվել կամ ներառվել դրա ընդգրկման մեջ, դուք հորերը փորել եք միայն բաց հանքի տարածքում, հարակից տարածքներն առհասարակ չեն ուսումնասիրվել, եւ ձեր թիմի պատասխանն այն էր, որ աղբյուրներն այնքան շատ են, որ մենք չենք կարող բոլորը ուսումնասիրել, մենք ձեզ չենք խնդրել բոլոր աղբյուրները ուսումնասիրել ջրերի։ Մենք վեր ենք հանել ձեր հաշվետվության մեջ եղած բացերը։ Ձեր թիմից մեր ստացած պատասխանները շրջանցող պատասխաններ էին։ Ես պետք է չհամաձայնեմ ձեր այն պնդմանը, որ դուք ամեն հարցի արձագանքել եք, ես գնահատում եմ այն փաստը, որ դուք պատրաստակամ եք ապահովելու համապատասխանությունը, որ պատրաստ եք կառավարման համակարգը ադապտացնել, որ պատրաստ եք ճկուն լինել ձեր նախագծերի եւ պլանների մեջ, բայց ես պիտի չհամաձայնեմ առ այն, որ դուք հետեւել եք բոլոր անհրաժեշտ գործողություններին՝ ըստ ստանդարտ պրոտոկոլների, ձեր գնահատումը թերի է»։

«Լիդիան»-ի ներկայացուցիչը նախ խնդրեց վիրավորական որակումներ չտալ, ապա պնդեց, որ երբ նշվում է թերացում, ըստ որ ստանդարտի հիման վրա է այդպիսի գնահատական տրվում, ինչին ի պատասխան «Էլարդի» ներկայացուցիչը ասաց, որ ինքը վիրավորելու նպատակ չուներ. «Մենք շատ հանգամանալից ուսումնասիրել ենք։ Ես հղում եմ անում պարզապես մեր եզրակացությանը, որը շատ կոնկրետ է, որեւէ կարիք չկա կոնկրետ անդրադառնալու որեւէ առանձին կետի, այն շատ կոնրետ է, ավելի քան 200 էջ է, ամբողջության մեջ մենք հղումներ ենք արել ամեն մեր պնդմանը, մենք հղումներ ենք արել էջերին, թե որտեղից ենք քաղել, որ փաստաթղթերն ենք մեջբերում, այսինքն՝ սա անձնական կարծիք չէ բնավ։ Եվ ուզում եմ մի պարզ բան հիշեցնել կրկին, մենք դեռեւս չենք ստացել պատասխաններ առ այն, թե ինչ է նկատի ունենում «Լիդիան»-ը կատարել կույտային տարալվացումից առաջացած հեղուկի հետ։ Արդյո՞ք դուք ասում եք դրա համար ստանդարտ կա, դրա պատասխանը չունեմ, ես չեմ կարող գնահատել, թե դուք ինչ եք պլանավորում անել, քանի որ չեք ասել, թե ինչ եք պլանավորում անել։ Դուք ինձ ասում եք, որ դուք հանգամանալից ուսումնասիրել եք կիլոմետրեր, քառակուսի կիլոմետրեր, հարյուրավոր մետրեր լայնությամբ շերտեր, եւ որեւէ պոմպային թեստ չի արվել։ Ստանդարտ, պրոֆեսիոնալ պրակտիկան է դա պահանջում, դրա համար միջազգային համաձայնագիր պետք չէ, որին հղում անես, կա պրոֆեսիոնալ պրակտիկայի ստանդարտ ուղենիշ, որը ասում է, թե ինչպես է պետք անել։

Վստահ եմ, որ կարող ենք մեջբերել մի շարք այլ խնդիրներ, որոնք վերաբերում են մոդելավորմանը, եթե ցանկանում եք, եւ ես վերհանել եմ մեր փաստաթղթում՝ հենց որ ստանդարտներով է ձախողել ձեր մոդելավորումը։ Կա մի ստանդարտ, որը դուք չեք գնահատել՝ ֆրակտուրային համակարգը, ոչ թե ստանդարտ չկա, այլ չեք գնահատել, այնպես չէ, որ չափանիշներին չեք համապատասխանել, դուք ընդհանրապես չեք արել գնահատում այդ հանգամանքի»։