Բաստային «Ձայնը» նախագծում կփոխարինի Սյուտկինը

Հայտնի «Ձայնը» նախագծի նախորդ եթերաշրջանն իսկական փորձություն էր կազմակերպիչների համար։ Ժյուրիի անդամների միջեւ կոնֆլիկտ էր տեղի ունեցել։ Բաստան վիրավորել է Սերգեյ Շնուրովին, որին պաշտպանել են Կոնստանտին Մելաձեն եւ ԱՆի Լորակը։ Աստղային մարզիչները հաճախ են քննադատել նրա աշխատանքը եւ նրա համարներն անվանել են թույլ։

Եվ այսպես, «Ձայնը» շոուի նոր եթերաշրջանում տաղանդավոր երիտասանրդների ելույթները կգնահատեն Պոլինա Գագարինան, Սերգեյ Շնուրովը, Կոնստանտին Մելաձեն եւ նորեկ՝ Վալերի Սյուտկինը։ Նրանց առջեւ իրենց վոկալային եւ բեմական վարպետությունը կներկայացնեն 120 մարդ։ Առաջին ալիքի նախագծի նոր եթերաշրջանի նկարահանումները կմեկնարկեն օգոստոսի 27-ից, իսկ հեռուստաեթեր կգնա աշնանը։ Շոուի վարողը կրկին Դմիտրի Նագիեւը կլինի։

«Ըստ ավանդույթի հրավիրել ենք այնպիսի կատարողների, որոնք երաժշտության տարբեր ոլորտներ են ներկայացնում եւ յուրաքանչյուրն իր ամպլուայում հասել է մեծ բարձունքների․․․Վալերի Սյուտկինը կարողանում է ունիկալ կերպով ներկայացնել ռոք ըն ռոլն, այնպես էլ ջազը։ Սա նախագծին բոլորովին նոր երանգ կհաղորդի, նա իր տեսակետն ունի երաժշտության մեջ եւ շատ բան կարող է սովորեցնել։ Նրա հետ կապված շատ սպասումենր կան», - պատմել է «Ձայնի» պրոդյուսեր Յուրի Ակսյուտան։

Վալերի Սյուտկինը հույս է հայտնել, որ բարձրագույն կրթությունը կօգնի, որպեսզի լավ մարզիչ լինի։ «Սա հետաքրքիր փորձ է եւ հնարավորություն, որպեսզի օգնենք տաղանդավոր երիտասարդներին։ Ինչ վերաբերում է գործընկերներիղ հետ մրցակցությանը, ապա ասեմ, որ ես կարող եմ բանավիճել եւ պնդել իմ տեսակետը։ Չեմ վախենում բարձդություններից, հարկավոր է պարզապես լավ անել աշխատանքը, թիմ հավաքել եւ աշխատել», - մանրամասնել է երգիչը։

Նախորդ եթերաշրջանի եզրափակիչը տեղի է ունեցել 2019թ․-ի հունվարի 1-ին, որում հաղթել էր Պյոտր Զախարովը։ Վերջերս Արաջին ալիքը հայտարարել էր, որ մանկական «Ձայնի» քվեարկությունից հետո որոշել է վերանայել սիստեմը։ Երգչուհի Ալսուի դստեր՝ Միկելա Աբրամովայի հաղթանակը հասարակության շրջանում մեծ ռեզոնանս էր առաջացրել։