«ԷկոՎիլ» արեւային համակարգերն արդեն Արմավիրում են
Արմավիր քաղաքում հուլիսի 26-ին բացվել է «ԷկոՎիլ արեւային տեխնոլոգիաներ» ընկերության հերթական մասնաճյուղ-սրահը: «ԷկոՎիլն» իր առջեւ նպատակ է դրել արեւային էներգիան հասանելի դարձնել Հայաստանի բոլոր մարզերի բնակիչներին՝ նպաստելով էներգետիկ անկախությանը եւ խթանելով էկոլոգիապես մաքուր ու անվտանգ էներգիայի աղբյուր հանդիսացող տեխնոլոգիաների տարածմանը Հայաստանի բոլոր մարզերում եւ Արցախում։
««Էկովիլի» այս արեւային սրահները թույլ են տալիս տեղի բնակիչներին ավելի մանրամասն տեղեկատվություն ստանալ արեւային համակարգերի աշխատանքի եւ ձեռքբերման պայմանների մասին, ինչպես նաեւ հեշտացնում են քաղաքացիների`համակարգեր ձեռքբերելու գործընթացը։ Այլեւս կարիք չի լինելու հասնել Երեւան կամ կապվել գլխավոր գրասենյակ ինֆորմացիայի ձեռքբերման համար»,- նշել է ընկերության տնօրեն Տիգրան Օխանյանը։
Հարցին, թե արդյոք շարունակական է լինելու այսպիսի սրահների բացումը, Տիգրան Օխանյանը նշեց, որ նախատեսվում է կարճ ժամկետում նոր սրահներ բացել Հայաստանի բոլոր այն մարզերում, որտեղ դեռեւս «ԷկոՎիլի» մասնաճյուղ-սրահ չի գործում: Նախորդ ամսին եւս նոր սրահներ են բացվել Վանաձոր եւ Սպիտակ քաղաքներում:
Բացման արարողությունը մեկնարկեց շնորհակալագրերիհանձմամբ։ «ԷկոՎիլարեւային ընկերությունը»շնորհակալագրեր հանձնեց այն անհատներին ու կազմակերպություններին, ովքեր նպաստել են Արմավիր մասնաճյուղի բացմանը, որից հետո ընկերության հիմնադիր տնօրեն Տիգրան Օխանյանն ու ԱԺ պատգամավոր Էդվարդ Անդրեասյանը կտրեցին խորհրադնշական կարմիր ժապավենը։
Նշենք, որ «ԷկոՎիլ» ընկերությանն են պատկանում մի շարք արեւային կայանների տեղադրումներ, որոնցից ամենահատկանշականն ու իր տեսակի մեջ եզակին Ջրաբերի 500 կՎտ հզորությամբ արեւայինկայանն է, որն ամբողջությամբ կառուցվել է լեռան 35 աստիճան թեքությամբ լանջին։ Սա նախադեպն է այն բանի, որ Հայաստանի ամայի լանջերը կարող են դառնալ մեծ տնտեսումներիեւ մաքուր ու անվտանգ էլեկտրաէներգիա ստանալու աղբյուր։
«ԷկոՎիլ» արեւային տեխնոլոգիաներ ընկերությունը նպատակ ունի էներգիայի վրա կատարվող ծախսերը հասցնել զրոյի՝ հնարավորություն տալով բոլորին ստանալ անսահման քանակությամբ մաքուր եւ անվճար էներգիա աշխարհում ամենամեծ աղբյուրից՝ արեգակից։ «ԷկոՎիլն» ապահովում է էլեկտրաէներգիա, տաք ջուր եւ ջեռուցում մատակարարելու ամբողջական փաթեթ, ներառյալ՝
☑խորհրդատվություն,
☑նախագծում,
☑տեղադրում,
☑երաշխիքային եւհետերաշխիքային սպասարկում:
Ընկերության պաշտոնական կայքում՝ www.ecoville.am, դուք հնարավորություն ունեք ծանոթանալու ընկերության կողմից տրամադրվող ծառայությունների մասին ողջ տեղեկատվությանը, ինչպես նաեւարեւային համակարգերի մանրամասն նկարագրությանը: