Արդյոք Ստամբուլյան կոնվենցիան պարունակում է ռիսկեր. մասնագետի կարծիքը
Ստամբուլի կոնվենցիան ուղղված չէ ավանդական հայկական ընտանիքի հիմքերի դեմ: Այս մասին հուլիսի 29-ին մամուլի ասուլիսում ասաց հոգեբույժ, հոգեթերապեւտ, ԵՊԲՀ հոգեբուժության ամբիոնի վարիչ Արամ Հովսեփյանը:
Մասնագետի խոսքով՝ փաստաթուղթն ուղղված է բռնության տարբեր ձեւերից, այդ թվում սպառնալիքներից եւ բռնաբարության մարդու պաշտպանությանը:
Հովսեփյանն ընդգծեց, որ Ստամբուլի կոնվենցիան չի հակասում Հայաստանի օրենսդրությանը: Մինչդեռ, ինչպես նկատվել է, որոշ մարդկանց կողմից, որոնք իրենց կոպիտ գործողությունները չեն համարում ֆիզիկական կամ հոգեբանական բռնության դրսեւորում, տվյալ փաստաթուղթը իսկապես կարող է մտահոգություն առաջացնել:
Փորձագետը նշեց, որ Կոնվենցիայի վավերացման դեպքում, այդ կատեգորիայի մարդիկ պետք է զսպեն իրենց պոռթկումները եւ գիտակցեն այն փաստը, որ նրանք իրենց գործողություններով իսկական վնաս են հասցնում մարդուն:
Ի տարբերություն ՔՕ-ի, որը հանցավոր արարքների համար պատիժ է սահմանում, Ստամբուլի կոնվենցիան ուղղված է բռնության զոհերին համապատասխան պաշտպանությամբ ապահովմանը:
Այսպիսով, ինչպես նկատեց Հովսեփյանը, հայտարարություններն այն մասին, որ Ստամբուլի կոնվենցիան ուղղված է ավանդական հայկական ընտանիքի հիմքերի դեմ, հիմնավոր չէ:
Այդ կապակցությամբ նա կոչ արեց Ստամբուլի կոնվենցիայի հարցում հաշվի առնել մասնագետների կարծիքը:
Ստամբուլի կոնվենցիան Եվրոպայի խորհրդի միջազգային համաձայնագիր է՝ ուղղված կանանց նկատմամբ բռնության եւ ընտանեկան դեմ: Փաստաթուղթը ստրագրվել է 46 երկրների եւ ԵՄ կողմից: Հայաստանը Ստամբուլի կոնվենցիան ստորագրել է 2018 թվականի հունվարի 18-ին, իսկ հարեւան Վրաստանում այն ուժի է մտել 2017-ի սեպտեմբերի 1-ին: