Հայաստանում հեպատիտով հիվանդների ընդամենը 20 տոկոսն է տեղեկացված իր կարգավիճակի մասին. փորձագետ
Վերջին տարիներին Հայաստանում նկատվում է սուր եւ քրոնիկական հեպատիտի դեպքերի նվազում։ Այնինչ, հեպատիտի դեպքերի 80 տոկոսը կարող է ընթանալ առանց ախտանշանների, իսկ դա նշանակում է, որ մարդիկ կարող են չկասկածել իրենց ախտորոշման մասին։ Այս մասին տեղեկացրել է Հիվանդությունների վերահսկման և կանխարգելման ազգային կենտրոն ՊՈԱԿ-ի Ոչ վարակիչ հիվանդությունների և ներհիվանդանոցային վարակների համաճարակաբանության բաժնի պետ Ռոմելա Աբովյանը հուլիսի 26-ի մամուլի ասուլիսում։
2018 թվականին Հայաստանում գրանցվել է հեպատիտի 2070 դեպք, որոնցից 15-ը՝ սուր հեպատիտ С եւ 122-ը՝ քրոնիկական հեպատիտ С։ Հիմնականում սուր հեպատիտով վարակում գրանցվել է ատամնաբուժական կլինիկաներում (13 տոկոս), գեղեցկության սրահներում (6 տոկոս) եւ բուժհաստատություններում (4 տոկոս)։ Այնինչ, 29 տոկոս դեպքերում վարակի աղբյուրը պարզել չի հաջողվել։
Աբովյանը տեղեկացրել է, որ ընդհանուր առմամբ Հայաստանում ապրում է հեպատիտ С-ով հիվանդ 4500 մարդ։
Իր հերթին, Հայկական լյարդաբանական ֆորում ասոցիացիայի նախագահ Հասմիկ Ղազինյանը տեղեկացրել է, որ 2019-2023 թվականների վիրուսային հեպատիտի կանխարգելման եւ վերահսկման ազգային ծրագրի շրջանակում ամեն տարի ի հաշիվ բյուջետային միջոցների նախատեսվում է հեպատիտ С-ով 1000 հիվանդների բուժում։ Համապատասխան դեղամիջոցներով այս հիվանդներին ապահովելու գործընթացը մեկնարկում է 2020 թվականից, բուժման կուրսը կտեւի 3 ամիս։
Ղազինյանի խոսքով՝ առաջնահերթ կարգով տվյալ բուժումը կստանան հարակից հիվանդություններով տառապող անձինք (այդ թվում դիաբետով եւ ճարպակալմամբ), կերակրող մայրերը, լյարդի լուրջ ախտահարման աստիճանով հիվանդները:
Փորձագետը հիշեցրեց, որ հեպատիտը, կարող է լյարդի լուրջ հիվանդություններ առաջացնել, ինչպիսիք ցիռոզն է եւ հեպատոցելյուլյար կարցինոման (առաջնային չարորակ ուռուցք):
ԱՀԿ գնահատականներով՝ հեպատիտ C-ն լյարդի քաղցկեղի հիմնական պատճառն է: Տվյալ վիրուսը փոխանցվում է արյան միջոցով (այդ թվում սեռական կապի ժամանակ, չստուգված արյան փոխներարկման կամ ներարկվող թմրամիջոցների օգտագործման դեպքում):
Հեպատիտ В-ի վիրուսը կարող է քրոնիկ ինֆեկցիա առաջացնել ցիռոզից եւ լյարդի քաղցկեղի պատճառով մահացու ելքի բաձր ռիսկով:
Վիրուսի փոխանցումը ամենից հաճախ տեղի է ունենում պերինատալ ճանապարհով՝ մորից երեխային, ինչպես նաեւ արյան կամ այլ կենսաբական հեղուկների հետ շփման դեպքում: