Իրանը հաստատել է, որ շարունակում է անդամակցել ՀԳՀՊ-ին

Վիենայում ՀԳՀՊ-ի հարցով համատեղ հանձնաժողովի ժամանակ Իրանը հաստատել է, որ շարունակում է անդամակցել գործարքին՝ հայտարարել է լրագրողներին ՉԺՀ-ի ԱԳՆ ներկայացուցիչ Ֆու Ցունը, հաղորդում է ՌԻԱ Նովոստի-ն:

«Իրանը հայտարարել է, որ մնում է գործարքում: Դա շատ կարեւոր է եւ մենք սատարում ենք այդ դիրքորոշումը: Մյուս մասնակիցները համաձայնել են, որ մենք պետք է տանք Իրանին տնտեսական շահեր, որոնք ենթադրում է ՀԳՀՊ-ը»,-ասել է նա:

Մայիսի 8-ին՝ միջուկային գործարքից ԱՄՆ-ի դուրս գալու տարելիցի օրը, Իրանը հայտարարել է իրանյան միջուկային ծրագրի վերաբերյալ ՀԳՀՊ-ի մի շարք դրույթների կատարումը դադարեցնելու մասին, մասնավորապես, որոնք վերաբերում են հարստացված ուրանի եւ ծանր ջրի պաշարներին:

Իրանում հիմնավորել են ձեռնարկված միջոցառումները ԱՄՆ-ի կողմից միջուկային գործարքի դրույթների խախտմամբ եւ Վաշինգտոնի կողմից Թեհրանի դեմ պատժամիջոցների կիրառմամբ, ինչպես նաեւ Համատեղ գործողությունների համապարփակ պլանի (ՀԳՀՊ) մնացած անդամների (Գերմանիա, Ֆրանսիա, Մեծ Բրիտանիա, Չինաստան եւ Ռուսաստան) անհրաժեշտ չափով խնդիրները լուծելու անկարողությամբ: Այդ առնչնությամբ Իրանը 60-օրյա ժամկետ էր սահմանել նշված երկրների համար Իրանի շահերն ապահովելու նպատակով՝ խոստանալով միեւնույն ժամանակ վերադառնալ դադարեցված պարտավորությունների կատարմանը, եթե նրանց հաջողվի լուծել ԱՄՆ-ի գործողությունների հետեւանքով ծագած խնդիրները:

Ընդ որում՝ եթե գործարքի անդամ պետությունները չապահովեն Իրանի հետաքրքրությունների իրացումը սահմանված ժամկետի ընթացքում, Թեհրանը հայտարարել է Արաքայում ռեակտորի մոդեռնիզացումը դադարեցնելու պատրաստակամության մասին, ինչը ՀԳՀՊ-ի մասն էր, եւ հրաժարվել հարստացված ուրանի մակարդակում սահմանափակումներից: