Ի՞նչ հիմքով դատավոր Վազգեն Ռշտունին հրաժարվեց քննել Քոչարյանի անձեռնմխելիության հարցը
Իմ կողմից շարունակել քննել տվյալ բողոքը կստացվեր, որ ինչ-որ մեծ ցանկություն ունեմ այս բողոքը այնումենայնիվ քննելու։ Այս մասին այսօր՝ հունիսի 3–ին Վերաքննիչ քրեական դատարանում հայտարարեց ՀՀ երկրորդ նախագահ Ռոբերտ Քոչարյանի նկատմամբ անձռնմխելիության հիմքով քրեական հետապնդումը չդադարեցնելու վերաբերյալ բողոքը քննող Վերաքննիչ քրեական դատարանի դատավոր Վազգեն Ռշտունին՝ պատճառաբանելով իր կողմից ինքնաբացարկ հայտնելու որոշումը։
Նշենք, որ մինչ խորհրդակցական սենյակ հեռանալը, նիստի ընթացքում Ռշտունին կարծիք էր հայտնել, որ չի կիսում դատավարության մասնակիցների մտահոգությունը եւ քանի որ բողոքը ընդունել էր վարույթ, համարում էր, որ կարող է կայացնել օբյեկտիվ դատական ակտ։ Այնուամենայնիվ դատավորը հակիրճ ներկայացրեց այն հանգամանքները, որոնց համակացությամբ նման որոշում է կայացրել:
«Հաշվի առնլով, որ դատավարության մի կողմը չունի վստահություն իմ նկտամամբ կայացվելիք դատական ակտը կարող է լինել օբյեկտիվ եւ եթե պրոֆեսիոնալ իրավաբանները չունեն այդ վստահությունը ենթադրում է, որ հասարակության անդամները նույնպես կարող են այդ վստահությունը չունենալ: Հաշվի է առնվել նաեւ հանգամանքը, որ տվյալ գործով Ալեքսանդր Ազարյանը հայտնել է ինքնաբացարկ եւ իմ կողմից շարունակել քննել տվյալ բողոքը կստացվեր, որ ինչ-որ մեծ ցանկություն ունեմ այս բողոքը այնումենայնիվ քննելու: Իհարկե մոտեցումը այլ կլիներ, եթե դատավարության մասնակիցները վստահեին եւ իրենք նույնպես համարեին, որ դատարանը կարող է տվյալ գործով անկողմնակալ որոշում կայացնել»,- ասաց Ռշտունին:
Նշենք, որ շաբաթներ առաջ նրա անունը շրջանառվեց Ռոբերտ Քոչարյանի գործի ելքը կանխորոշելու հետ: Մասնավորապես, հրապարակումներ եղան այն մասին, որ Քոչարյանին ազատ արձակելու որոշումը գրել են Վերաքննիչ դատարանի երեք դատավորներ՝ Վազգեն Ռշտունին, Արշակ Վարդանյանը եւ Մխիթար Պապոյանը: Այս կապակցությամբ դատավոր Մխիթար Պապոյանը սուտ մատնության հատկանիշներով արդեն իսկ հանցագործության մասին հաղորդում է ներկայացրել ԱԱԾ։
«Հաշվի առնելով, որ մեր հետ կապված հագամանքր պետք է պարզվեն համապատասխան իրավասու մարմիներիններում, թե արդյոք մենք մասնակցություն ունեցել ենք Ռոբերտ Քոչարյանի վերաբերյալ կայացաված դատական ակտի գրելու գործընթացին...կամ տվյալ հանգամանքը պետք է հաստատվի, կամ պետք է հերքվի»,- եզրափակեց դատավոր Վազգեն Ռշտունին:
Հիշեցնենք, որ քննիչի կողմից դատավորին ինքնաբացարկի միջնորդություն ներկայացնելու համար հիմք էր հանդիսացել նախկինում դատավոր Վազգեն Ռշտունու կողմից Քոչարյանի գործով հայտնած դիրքորոշմանը։
Նշենք, որ Վերաքննիչ քրեական դատարանի դատավոր Ալեքսանդր Ազարյանի՝ անձեռնմխելիության հիմքով Քոչարյանին կալանքից ազատ արձակելուց հետո հետո 2018թ. սեպտեմբերին Ռշտունին լրագրողներից մեկի հետ զրույցում հայտարարել է, որ որպես իրավաբան՝ Ազարյանի որոշման հետ համաձայն է։
Ըստ քննիչի և դատախազի՝ այս հանգամանքը վկայում է, որ դատավոր Ռշտունին ներկայացված բողոքի քննության շրջանակներում կանխակալ մոտեցում ունի։