«Գեղարքունիքի մարզը կարող վերածվել էկոմարզի». մարզպետ

Զբոսաշրջություն, վերականգնվող էնեգետիկա եւ գյուղատնտեսություն։ Այսօր Գեղարքունիքի մարզում ընթացող համաժողովի ժամանակ Գեղարքունիքի մարզպետ Գնել Սանոսյանը ներկայացրեց մարզի այն երեք թիրախային ուղղությունները, որոնք ներկայացնում են մարզի ծանրակշիռ ոլորտը եւ զարգացման հիմնական ուղղությունները։

Նա նաեւ նշեց, որ մարզում տնտեսության մյուս ուղղություններով եւս զարգացման մեծ հնարավորություններ կան՝ ՏՏ ոլորտը, արդյունաբերությունը եւ այլն։

«Գյուղատնետսության համար հարմար է մարզի 345 հազար հա գյուղնշանակության հողերը, կարող ենք զարգացնել էկոլոգիապես մաքուր գյուղմթերքի արտադրությունը։ Էկոլոգիապես մաքուր սննդի դերն աշխարհում մեծանում է եւ Գեղարքունիքի մարզը կարող վերածվել էկոմարզի, եւ մաքուր սնունդ արտադրել»,– ասաց մարզպետը։

Նա նաեւ հիշեցրեց մարզի տրանացիկ դերը՝ Իրանից Վրաստան, եւ Երեւան Ստեփանակերտ ամենակարճ ուղին անցնում է Գեղարքունիքով, բացի այդ մարզում կա շուրջ 10 հազար ճարտարապետական հուշարձան, որը տուրիզմի զարգացման համար լավ նախադրյալներ է ստեղծում։

«Վերականգնվող էներգետիկայի առումով, ամենամեծ արեւային պոտենցիալ ունեցող մարզն է, քամու առումով եւս շրջապատված է լեռներով, լեռանանցքներով եւ քամու մեծ պոտենցիալ ունենք եւ տարիներ անց Գեղարքունիքը ծածկված է լինելու արեւային վահանակներով եւ քամու հողմակայաններով.,– նշեց Գեղարքունիքի մարզպետը։

Գնել Սանոսյանը համաժողովի մասնակից գործարարներին, որոնք ծնունդով մարզից են, կոչ արեց բնակվել եւ արարել Հայաստանում։

Նշենք, որ համաժողովին մասնակցում են գործարարներ ԱՄԷ–ից, Չինաստանից, Իսպանիայից, Դանիայից, Քուվեյթից, Իրանից, Ուկրաինայից, ՌԴ–ից, Ղազախստանից եւ այլն։