Տոնական համերգ Կիրովի այգում՝ Մեծ հայրենականում Հաղթանակի 74-ամյակի առիթով

Կիրովի անվան Մանկական այգում մայիսի 9-ին տեղի ունեցավ տոնական համերգ Հայրենական մեծ պատերազմում տարած հաղթանակի 74-ամյակի առիթով: Տոնական համերգից առաջ մայրաքաղաքի բնակիչները եւ հյուրերը ծաղիկներ դրեցին 1940 թվականին երախտապարտ հայ ժողովրդի անունից տեղադրված Կամիր բանակի քաջարի մարտիկների հուշարձանին։ Այնուհետեւ հանդիսավոր միջոցառման մասնակիցները համտեսեցին հյուրասիրությունները, որոնք նրանց համար պատրաստել էին դաշտային պայմաններում։ Դաշտային խոհանոցներ էին բացել ինչպես Հայաստանի Հանրապետության Զինված ուժերի, այնպես էլ Էրեբունիի ռուսական ռազմական ավիաբազայի ռուս զինվորները։ Շատերն այգի էին եկել իրենց երեխաների հետ։ Համերգն անցավ ուրախ, հանդիսատեսների ակտիվ աջակցությամբ։

Հայաստանի քաղաքացիներն ու ռուս զբոսաշրջիկները միասին վայելեցին զինվորական հետպատերազմյան երգերը, որոնց կատարումը դրվել էր երիտասարդ, բայց տաղանդավոր հայ ուսանողների վրա։ Տոնական միջոցառման մասնակիցները անգամ շինություններից մեկի տանիքին, որը գտնվում է այգու տարածքում, Հաղթանակի դրոշն էին կանգնեցրել, իսկ երեխաները կավճով շենքի պատերին աստղեր էին նկարել եւ գրել. «Շնորհակալություն հաղթանակի համար»։ Երեխաները հնարավորություն ունեցան թռչկոտելու բատուտներին եւ սահելու սահարաններով։ Նշենք, որ տոնական համերգը վայելեցին ոչ միայն երեխաներն ու նրանց ծնողները, այլեւ Ռուսաստանի դեսպանության աշխատակիցները՝ Հայաստանում ՌԴ Արտակարգ եւ լիազոր դեսպան Սերգեյ Կոպիրկինի գլխավորությամբ, ինչպես նաեւ իրենք՝ Հայրենական մեծ պատերազմի խիզախ վետերանները, որոնց շարքերը, ցավոք, տարեցտարի նոսրանում են։