Դավիթ Սանասարյանի արձագանքը՝ Նիկոլ Փաշինյանի հայտարարությանը

Դավիթ Սասանասարյանը
Նիկոլ Փաշինյանին տեղեկություններ տվել է ՊՎԾ պաշտոնյաների դեմ հարուցված
քրեական գործի վերաբերյալ, սակայն դա չի նշանակում, որ ինքնախոստոնականով է
հանդես եկել։ Այս մասին ֆեյսբուքյան իր էջում գրել է Դավիթ Սանասարյանը։

Նրա գրառման մեջ, մասնավորապես, ասված է․

«Այսօր լսեցի վարչապետ Փաշինյանի ասուլիսի՝ ինձ վերաբերող հարցուպատասխանը, և
քանի որ լրագրողներն էլ են վարչապետի պատասխանին առնչվող հարց ուղղում ինձ,
խնդրում եմ սա ընդունեք որպես պատասխան և այլևս հարցեր չտաք այս մասին։

Այո, ես վարչապետին տեղեկություն տվել եմ այն ժամանակ, երբ դեռ ես այս
գործով որևէ կարգավիճակ չունեի, այո ես վարչապետի հետ հանդիպել եմ և խոսել
ենք այս գործի մասին, բայց վարչապետի այն ասածից, թե իր աղբյուրը միայն
ԱԱԾ-ն չի, այլ նաև Դավիթ Սանասարյանն է, ասեմ, որ դա չի ենթադրում, որ ես
ինքնախոստովանականով եմ հանդես եկել վարչապետի մոտ, ընդհակառակը, ես
տեղեկացրել եմ քրեական գործի հետ կապված իմ անմեղության մասին։

Ավելին չեմ կարող ասել, անհամբեր սպասում եմ նախաքննության ավարտին։

Սիրում եմ բոլորիդ»։

Հիշեցնենք, որ այսօր վարչապետ Նիկոլ Փաշինյանը, անդրադառնալով Դավիթ
Սանասարյանին առնչվող քրեական գործին, հայտարարել էր․ «Իմ տեղեկությունները
միակողմանի չեն, ոչ միայն ԱԱԾ-ից են, իմ աղբյուրը իմ թիմի անդամներն են,
Դավիթ Սանասարյանը: Բացառված է ոչ օբյեկտիվ քննությունը: Եթե հակառակը
պարզվի, մեղավորները խստորեն կպատժվեն»: