Ռուսաստանի պահանջով փորձել են արգելել ուկրաինացի պատգամավորի մուտքը Հայաստան

Ուկրաինայի խորհրդարանի պատգամավոր Մուստաֆա Նայեմն այցելել է Երևան և իր ֆեյսբուքյան էջում գրառում կատարել Զվարթնոց օդանավակայանում սահմանի հատման ժամանակ միջադեպի վերաբերյալ․

«Քանի դեռ մենք Կիևում չենք կարող լուծել և պատժել ԱՄՆ-ի և ԵՄ-ի հետ մեր պատժամիջոցները, Մոսկվան արդյունավետ կերպով պարտադրում է ԱՊՀ-ի երկրների նկատմամբ արգելքներն ու ծիծաղելի վիրավորանքները:

Անցյալ գիշեր ես ժամանեցի Երևան ` արևելաևրոպական կենտրոնի հրավերով` խոսելու հակակոռուպցիոն իշխանությունների մասին մեծ ֆորումի մասին:

Սահմանին ներկայացրել եմ անձնագիրս, սակայն երկար ստուգումից հետո սահմանապահները հայտնել են, որ տվյալների բազայում «մուտքի արգելքի» նշում կա:

Որոշ ժամանակ անց եկել են միգրացիոն ծառայության ևս երկու աշխատակիցներ և քաղաքավարի բացատրել, որ արգելքը «երրորդ երկրի պահանջով է»:

Նայեմը նշում է, որ արգելքը դրվել է Ռուսաստանի Դաշնության պահանջով ՌԴ պատժամիջոցների ցուցակի ու Հայաստանի սահմանապահ ծառայության բազայի ներդաշնակեցման շրջանակում:

Բոլոր հանգամանքները պարզելուց և Ուկրաինայի դեսպանի միջամտությունից հետո Նայեմին թույլ են տվել մուտք գործել Հայաստանի տարածք, իսկ Ուկրաինայի հյուպատոսական ծառայությունը խորհուրդ է տվել տեղաշարժի մասին տեղյակ պահել դեսպանատանը և այցի ավարտին օդանավակայան մեկնել դեսպանի կամ հյուպատոսի ուղեկցությամբ: