Չարբախի ոստիկանները թարմ հետքերով բացահայտել են դեպքը. դանակահարություն Երևանում

Ապրիլի 22-ին Էրեբունի բժշկական կենտրոն տեղափոխվեց դանակահարված մի տղամարդ։ Նոր Արեշում ապրող 37-ամյա տղամարդուն Շենգավիթի Օդանավակայան 50 փողոցից հիվանդանոց էր հասցրել շտապօգնության խումբը։ Դանակահարվածն, ըստ բժշկի՝ ի վիճակի չէր բացատրություն տալու։ Ոստիկանության Շենգավիթի բաժնի Չարբախի բաժանմունքի քրեական հետախույզները ձեռնարկած տարաբնույթ միջոցառումների արդյունքում պարզեցին դեպքի հանգամանքները։

Օդանավակայան 50 փողոցում մի քանի հոգու մասնակցությամբ վեճ է եղել, ինչի ընթացքում էլ տղամարդը դանակահարվել է։ Շուտով հայնտի դարձավ կասկածյալի ինքնությունը ահազանգին արագ արձագանքելու եւ դեպքի վայրում իրականցրած գործողությունների շնորիվ Չարբախի ոստիկանները հայտնաբերեցին Ամիրան. Ֆ.-ին ու բերման ենթարկեցին։

30-ամյա Ամիրան. Ֆ.-ը ոստիկանությունում տվեց խոստովանական բացատրություն, ապա ներկայացվեց դեպքի նախաքննությունը վարող տարածքային քննչական բաժին։ Դեպքի վայրի եւ հարակից տարածքի ուսումնասիրությամբ ոստիկանները հայտնաբերեցին դանակ, որը նախնական տվյալներով՝ հանցագործության գործիքն է։

Դեպքի առթիվ քրեական գործ է հարուցվել դիտավորությամբ առողջությանը ծանր վնաս պատճառելու հատկանիշներով։ Ամիրան. Ֆ.-ը ձերբակալված է։ Նախաքննությունը շարունակվում է։