Ամանորի միջոցառումները կազմակերպած ընկերությունը կրկին առանց մրցույթի կկազմակերպի Քաղաքացու օրվա միջոցառումները (լուսանկար)
Երևանում Քաղաքացու
օրվան նվիրված միջոցառումների իրականացման նպատակով կտրամադրվի 25 մլն 20
հազար դրամ, իսկ 10 մարզերին միասին` 83 մլն 428 հազար դրամ: Եվս 15 մլն
762 հազար դրամ կհատկացվի «Քաղաքացու օրվան» նվիրված միջոցառումների
հանրահռչակման, քարոզչության և տեղափոխման ծախսերի համար:
Այս մասին Tert.am-ի հարցմանն ի պատասխան հայտնել են ՀՀ վարչապետի աշխատակազմի տեղեկատվության և հասարակայնության հետ կապերի վարչությունից:
Մարզերից ամենաքիչ գումարը կհատկացվի Գյումրուն՝ 7 մլն 999 հազար դրամ, ամենաշատը՝ Սյունիքին՝ 9 մլն 10 հազար դրամ:
Քաղաքացու օրվան նվիրված միջոցառումների կազմակերպման գործընթացն
իրականացվել է մեկ անձից գնման ձևով, քանի որ ժամկետների սղության պատճառով
հնարավոր չի եղել կազմակերպել մրցութային կարգով գնման գործընթաց:
«Հաշվի առնելով այն, որ ժամկետների սղության պատճառով հնարավոր չի եղել
կազմակերպել մրցութային կարգով գնման գործընթաց, որոշվել է Քաղաքացու օրվան
նվիրված միջոցառումների կազմակերպման գործընթացն իրականացնել մեկ անձից
գնման ձևով: Ըստ ոլորտում նմանատիպ զանգվածային միջոցառումներ կազմակերպող
ընկերությունների ներկայացրած առաջարկների՝ ընտրվել են կից նախահաշվով
ներկայացված կազմակերպությունները, որոնց թիվը 11-ն է»,- ասված է
կառավարության պատասխանում:
Աղբյուրը նշում է, որ մեկ անձից գնման ձևով Երևանում միջոցառումների
կազմակերպումը կրկին պատվիրակվել է «Ֆակտորի Փրոդաքշն» ՍՊԸ-ին: Այս
ընկերությունը նաև Երևանում Ամանորի միջոցառումների կազմակերպումն է
իրականացրել՝ մեկ անձից գնման ձևով: Թումանյանի 150-ամյակի միջոցառումները
ևս «Ֆակտորի Փրոդաքշնի» կողմից են կազմակերպվել:
Ապրիլի 27-ին ՀՀ մարզերում և Երևան քաղաքում «Քաղաքացու օրվան» նվիրված միջոցառումների ծախսերի վերաբերյալ նախահաշիվը ստորեւ.