Անվտանգության տեսանկյունից ձնաբքի կամ ուժգին քամու ժամանակ ճանապարհը փակելն ընդունված պրակտիկա է ամբողջ աշխարհում․ Հակոբ Արշակյան

Վերջին օրերին Հայաստանի Հանրապետությունում տեղացող առատ ձյան և ջերմաստիճանի կտրուկ նվազման հետևանքով ՀՀ մի շարք ավտոճանապարհներին դժվարացել է երթևեկությունը, իսկ առանձին ճանապարհահատվածներ սաստիկ ձնաբքի և տեսանելիության բացակայության պատճառով փակվում են երթևեկության մասնակիցների համար: Այս մասին Facebook-ի իր էջում գրառում է կատարել ՀՀ տրանսպորտի, կապի և տեղեկատվական տեխնոլոգիաների նախարար Հակոբ Արշակյանը։

Գրառումը ներկայացնում ենք ստորև․

«Չնայած այն հանգամանքին, որ ստեղծված իրավիճակում ճանապարհաշինարարները ՀՀ ավտոճանապարհներին պարբերաբար կատարում են մաքրման, աղավազով, ավազով կամ կոպիճով մշակման աշխատանքներ, այնուամենայնիվ, որոշ երթևեկության մասնակիցների մոտ առաջացել է դժգոհություն ՀՀ տրանսպորտի, կապի և տեղեկատվական տեխնոլոգիաների նախարարությունից՝ ՀՀ միջպետական և հանրապետական ճանապարհների ձմեռային պահպանման և շահագործման աշխատանքների կազմակերպման վերաբերյալ:

Ստեղծված իրավիճակի վերաբերյալ ՀՀ տրանսպորտի, կապի և տեղեկատվական տեխնոլոգիաների նախարարությունը ներկայացնում է հետևյալ պարզաբանումը:

Ավտոճանապարհը մաքրվում է ձյան տեղումից հետո, երբ ձյան շերտի հաստությունը 3-4 սմ-ից ավելի է լինում: Դրան հաջորդում է աղով և ավազով մշակումը: Եթե ձյունը երկարատև է, ճանապարհը պարբերաբար մաքրվում և մշակվում է, որպեսզի ձյան շերտը 3-4 սմ-ից ավելի չլինի:

Տեղացող թաց ձյան, ձնաբքի և ավտոճանապարհի մակերևույթի ջերմաստիճանի նվազման հետևանքով ճանապարհի մակերևույթին առաջանում է խիտ ձնային և մերկասառցային ծածկույթ: Մերկասառույցի դեպքում նախապես ճանապարհի մշակումը չի օգնում, քանի որ ջերմաստիճանի -7°C-ից նվազման դեպքում, աղը կորցնում է իր հատկությունները և աղավազային խառնուրդը չի հալեցնում սառցային ծածկույթը, ուստի աղավազով մշակումը դառնում է անարդյունավետ: Նման դեպքերում օգտագործվում է ավազ կամ կոպիճ, սակայն սաստիկ ձնաբքի դեպքում, երբ փռված ավազը կամ կոպիճը անմիջապես ծածկվում է ձյան շերտով՝ նույնպես դառնում է անարդյունավետ:

Մերկասառույցի առաջացման դեպքում ժամանակ է պետք այն հալվելու համար: Նման դեպքերում, անվտանգության նկատառումներից ելնելով, մինչև ձնաբքի դադարումը, կրկին մաքրումը և մշակումը, ավելի նպատակահարմար է այդ ճանապարհահատվածները ժամանակավոր փակելը կամ որոշ տրանսպորտային միջոցների համար սահմանափակումներ կիրառելը: Հետևաբար, Հայաստանի Հանրապետության առանձին ճանապարհահատվածներին առկա իրավիճակների, սահմանափակումների, անցանելիության, ճանապարհաշինարարների կողմից կատարվող ավտոճանապարհների մաքրման և մշակման աշխատանքների մասին երթևեկության մասնակիցներին տեղեկատվություն ապահովելու նպատակով, ՀՀ տրանսպորտի, կապի և տեղեկատվական տեխնոլոգիաների նախարարությունը, «Հայաստանի ավտոմոբիլային ճանապարհների տնօրինություն» ՊՈԱԿ-ը, ինչպես նաև ԱԻՆ-ը՝ համացանցի և այլ հասանելի միջոցներով պարբերաբար տեղեկացնում են ազգաբնակչությանը:

Անվտանգության տեսանկյունից ձնաբքի կամ ուժգին քամու ժամանակ ճանապարհը փակելն ընդունված պրակտիկա է ամբողջ աշխարհում, որպեսզի վարորդները և քաղաքացիները չհայտնվեն ձնաբքում և խուսափենք մարդկային ցրտահարումներից և զոհերից։
Առաջարկում եմ դիտել նաև հղումով ստորև տեսանյութերը, որոնք նկարահանված են ՀՀ միջպետական տարբեր ճանապարհահատվածներում․

https://www.facebook.com/…/pcb.213793599…/2137935176274801/…

https://www.facebook.com/…/pcb.213793599…/2137935226274796/…

https://www.facebook.com/gor221311/videos/2134656726602646/
Միաժամանակ ստորև հղումներով կարող եք տեսնել, որ նույնիսկ այնպիսի զարգացած երկրներում, ինչպիսիք են Մեծ Բրիտանյան, ԱՄՆ, Ռուսաստան և այլն, անվտանգությունից ելնելով փակում են ճանապարհը և հորդորում քաղաքացիներին հնարավորինս զերծ մնալ ճանապարհորդելուց։
https://www.express.co.uk/…/Snow-UK-traffic-news-roads-clos…
https://fox40.com/…/i-5-closed-through-grapevine-as-snow-c…/
https://fox40.com/…/storm-watch-eastbound-i-80-closed-at-c…/
http://www.fox34.com/…/30…/road-closures-due-to-snow-and-ice

Քաղաքացիների անվտանգությունը համարում ենք առանցքային և առաջնային խնդիր։
Մաղթում ենք բարի և անվտանգ ճանապարհ, և ևս մեկ անգամ հորդորում ենք երթևեկել բացառապես ձմեռային անվադողերով»։