Արխանգելսկում Հայաստանի տուն կբացվի

Երեւանում Արխանգելսկի տուն կբացվի գարնան վերջին կամ ամռան սկզբին: Իսկ Ռուսաստանի Հյուսիսի մայրաքաղաքում Հայաստան առեւտրի տան բացումը սպասվում է առաջիկայում, գրում է «Ռեգիոն 29-ը»:

Այն կտեղակայվի Տրոիցկի պողոտա 52 հացսեում: Այս վայրի հայկական արմատների մասին արդեն հիմա հիշեցնում է արեւելյան գորգի տեսքով պատի պաստառը: Դեռ 2012 թվականին Արխանգելսկի եւ Վայոց ձորերի մարզերը համագործակցության մասին համաձայնագիր էին կնքել:

«Դրանից հետո տրվեց երկու մարզերի համագործակցության մեկնարկը,- ասել է «Արխանգելսկի եւ Վայոց ձորերի մարզերի համագործակցության միություն» հկ ղեկավար Մամիկոն Գեկչանը,- Սկզբում դա նախեւառաջ սոցիալական ոլորտի համագործակցություն էր. Վայոց ձորի մարզում Լոմոնոսովի անվան դպրոց բացվեց, Սեվերոդվինսկի գիշերօթիկ դպրոցի մեր երեխաները փոխանակման ծրագրով գնում էին այդտեղ»:

Այնուամենայնիվ, համաձայնագիրը նախատեսում էր նաեւ համագործակցություն առեւտրի, տնտեսության եւ զբոսաշրջության ոլորտում: Համագործակցությունը հեշտացնելու համար 2018 թվականին ստեղծեցին հասարակական կազմակերպություն:

Նրա հիմնադիրներն էին Արխանգելսկի մարզի զարգացման կորպորացիան, Ռուսաստանի հայերի միության տարածաշրջանային մասնաճյուղը եւ Ջերմուկ առողջարանային քաղաքի զարգացման հիմնադրամը: Ի դեպ, 2018 թ. Ջերմուկը եւ Արգանգելսկը դարձան եղբայրական քաղաքներ:

Այս տները, որպես առեւտրային կառույցներ, կզարգացնեն առեւտրատնտեսական հարաբերությունները: Երեւանում Արխանգելսկի տանը կներկայացվի Հյուսիսի մշակույթը եւ տարածաշրջանի տեղական արտադրողների ապրանքները:Նախատեսվում է նաեւ նմանատիպ զբոսաշրջային կենտրոնների բացում, որպեսզի Հյուսիսի բնակիչները ծանոթանան Հայաստանի հետ:

«Ջերմուկը քաղաք առողջարան է եւ առողջարանային կենտրոն», - ընդգծել է Գեկչանը: - Դրանք պարզապես ծրագրեր չեն լինի: Այժմ մենք պատրաստվում ենք ստորագրել համաձայնագիր այն մասին, որ Արխանգելսկի շրջանի բնակիչների համար առողջարանային բուժման ժամաակ որոշակի արտոնություններ լինեն»:

Հայաստանի առեւտրի տան բացումը նախատեսվում է ապրիլի վերջին: