Ավտոտեխսպասարկման կետը, որի հորանում դի է հայտնաբերվել, պատկանում է «Սասուն» ՓԲԸ-ին. նոր մանրամասներ
Փետրվարի 26-ին, ժամը 21։55-ին «911» ծառայությանն ահազանգ է ստացվել, որ Երևան քաղաքի Նանսենի փողոցի թիվ 1/5 հասցեում գործող ավտոտեխսպասարկման կետի հորանում (մոտ 3 մ) դի է հայտնաբերվել. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հատուկ նշանակության փրկարարական աշխատանքների իրականացման կենտրոնի փրկարարական ջոկատը:
Պարզվել է, որ դին հայտնաբերվել է «Սասուն» ՓԲԸ-ին պատկանող ավտոտեխսպասարկման կետում՝ մոտ 3 մ խորությամբ փոսում։
Փրկարարները փոսից դուրս են բերել Մ. Գ.-ի (ծնված 1988 թ․) դին։