Հայաստանում առաջին անգամ գրանցվել են ձմեռելու մնացած թևաբտիկային եղտյուրիկներ
Դիտարկումների պատմության մեջ առաջին անգամ Հայաստանում գրանցվել են մի զույգ եղտյուրիկներ, որոնք մնացել են ձմեռելու: Այս մասին հայտնել է կենսաբանական գիտությունների թեկնածու, «Կայուն էկոհամակարգերի ուղղությամբ TSE» ՀԿ-ի գործադիր տնօրենը Կարեն Աղաբաբյանը։
Կարեն Աղաբաբյանի ասելով, առաջին անգամ հանրապետությունում թևաբտիկային եղտյուրիկ գրանցվել է 1995-ի նոյեմբերին: Այն հարավային տեսակ է և ապրում է հիմնականում Արեւելյան միջերկրածովյան ավազանում՝ Սահարայի և Արևմտյան Աֆրիկայի տարածքներից մինչեւ Արաբական թերակղզի:
Հաջորդ 17-18 տարիներին թևաբտիկային եղտյուրիկներ Հայաստանում չեն գրանցվել, ապա մոտ 1-2 տարի անց սկսեցին թռչնաբանների աչքովն ընկնել։ «2018 թվականից, Արմաշի լիճ յուրաքանչյուր այցի ժամանակ մենք սկսեցինք նկատել չիբիսների նույն զույգին: Շատ մեծ հավանականությամբ, կարելի է խոսել զույգի բնավորման մասին», - նկատել է Կարեն Աղաբաբյանը` հավելելով, որ Հայաստանում ձմեռելու են մնացել միայն կտցարների մի քանի տեսակներ՝ սեւ, սովորական չիբիսներ եւ մորակտցարներ․ ի դեպ, վերջինս այստեղ չի բնավորվում, այլ միայն ձմեռում է Հայաստանում:
Թռչնագետը կապում է չիբիսների ձմեռումը գլոբալ տաքացման հետ. «Դա նաև խոսում է այն մասին, որ տեսակն սկսում է տեղափոխվել հյուսիս: Երիտասարդ թռչունները փնտրում են նոր վայրեր՝ բնավորման համար, եւ քանի որ հարավն արդեն զբաղված է, նրանք հետաքրքրված են ավելի հյուսիսային տարածքներով: Այն, որ չիբիսների զույգը ձմռանը մնացել է ձմեռելու եւ, հնարավոր է, բնավորվելու, ցույց է տալիս, որ Արմաշի լճերում պայմանները նրանց համար հարմար են: Այնպես որ, մոտ ապագայում մենք կարող ենք ակնկալել, որ Հայաստանում կմեծանա թևաբտիկային եղտյուրիկների պոպուլյացիան», - եզրափակել է Կարեն Ազաբաբյանը: