Մարդիկ, ովքեր հայտնի են դարձել համացանցի միջոցով

Համացանցն հիմա ավելի մեծ հնարավորություն է տալիս հայտնի դառնալու, քան տեղեկատվական այլ միջոցները: Այն ավելի էժան է և հասանելի բոլորին: Այստեղ յուրաքանչյուր երկրորդը կարող է իրեն գրող, երգիչ, դերասան համարել: Այնուամենայնիվ, կան համացանցի միջոցով հայտնի դարձած մարդիկ, ովքեր իսկապես լավագույնն են  իրենց ասպարեզում, հիշենք նրանցից մի քանիսին:

1. Պյոտեր Նալիչն իր տեսահոլովակի համար չի ծախսել ոչ մի կոպեկ: Տնային պայմաններում արված հոլովակը համացանցում տեղադրելուց հետո ռեկորդային 5 մլն դիտում գրանցեց: Նախկին ճարտարապետը մի քանի օրվա ընթացքում խումբ հավաքեց և դարձավ Ռուսատանի ամենափնտրվող երգիչներից մեկը:

2.Սյուզան Բոյլը ոչ այնքան երիտասարդ և ընդունված կանոների համեմատ ոչ այդքան գեղեցիկ կինն, ով «Britain’s Got Talent» մրցույթում հայտնեց իր երգչուհի դառնալու երազանքի մասին,անգամ ծիծաղի արժանացավ: Սակայն, մի քանի վայրկյան անց դահլիճը հոտնկայս ծափահարում էր նրան: Հոլովակը համացանցում հավաքեց 4 մլն դիտում:Իսկ մի քանի ամիս անց Սյուզանը ձայնագրեց իր առաջին ալբոմը, որը վաճառվեց 4մլն օրինակով:

3.Ջասթին Բիբեր. 12 տարեկանից սկսած Բիբերի բոլոր ձայնագրությունները մայրը տեղադրում էր համացանցում: Մի քանի ամիս անց «So So Def Recordings»-ի պրոդյուսերը նկատում է տղային և հրավիրում իր մոտ: Մեկ տարի անց կնքվում է պայմանագիր: Հիմա Բիբերն ունի մի քանի ձայնասկավառակ, նրա երգերը հայտնի են ողջ աշխարհում: Ջասթինի  «Boyfriend»  տեսահոլովակը սահմանել է նոր ռեկորդ, այն մեկ օրում դիտվել է 8 մլն անգամ:

Ոչ միայն երաժիշտները, այլև բլոգերները կարողացել են ճիշտ օգտագործել համացանցն ու հաջողության հասնել:

1.Թուքեր Մաքս-ն իր բլոգում պատմում է աղջիկների հետ ծանոթանալու և երեկույթների մասին, նրա բլոգն այցելում է շաբաթը 100.000 մարդ, բլոգի շնորհիվ հայտնի դարձած Մաքսը գիրք է  հրատարակել, որն ընդգրկվել է  The New York Times-ի 100 ամենաշատ վաճառվող գրքերի ցանկում: Հիմա Մաքսը պատրաստվում է ֆիլմ նկարահանել «Հուսով եմ դժոխքում գարեջուր կլինի» վերնագրով:

2.Դարեն Ռոուզը բլոգ էր վարում պարզապես հաճույքի համար, հետո հասկացավ, որ դրանով կարելի է նաև փող աշխատել ու սկսեց գրել հոդվածներ` «ինչպես փող աշխատել բլոգգինգով» թեմայով: Նրա բլոգն այնքան հայտնի դարձավ, որ հայտնվեց Forbes-ի աստղերի ցուցակում: