Սփյուռքի նախարար Մխիթար Հայրապետյանն ամփոփում է վերջին 2 աշխատանքային օրերը

Սփյուռքի նախարար Մխիթար Հայրապետյանը ֆեյսբուքյան իր էջում նոր գրառում է կատարել՝ ներկայացնելով վերջին 2 աշխատանքային օրերի ամփոփումը.

18-րդ օրվա ամփոփումը.

Հայաստանի Հանրապետության վարչապետի պատվիրակության կազմում մասնակցեցի Համայն Վրաստանի Կաթողիկոս-Պատրիարք Իլյա Երկրորդի հետ հանդիպմանը:

Հանդիպեցինք վիրահայ գործարարների հետ:

Մեկնեցինք Ջավախք: Հանդիպեցինք Փոկա, Գանձա, Սաթխա գյուղերի, ինչպես նաև Ծալկա շրջանի հայ համայնքի ներկայացուցիչների հետ:

Այնուհետև մեկնեցինք Ախալքալաք. այս քաղաքում հանդիսավոր արարողությամբ տեղի ունեցավ Վրաստանում առաջին «ԱրՄաթ» ինժեներական լաբորատորիայի պաշտոնական բացումը, որին մասնակցեցինք նաև մենք:

Շնորհակալություն ՀՀ վարչապետի խորհրդական Արսեն Խառատյանին, Վիրահայոց թեմին, Ջավախքի մի շարք հասարակական և պետական կառույցներին, վիրահայ գործարարներին, Aliq Media և Jnews լրատվականներին երկօրյա մեր ընթացքին ցուցաբերած ողջ աջակցության համար:

19-րդ օրվա ամփոփումը.

Մասնակցեցի Կառավարության նիստին:

Առաջիկա ծրագրերի ճակատագրի հետ կապված նախարարությունում աշխատանքային խորհրդակցություններ անցկացրի:

Ազգային ժողովում ներկայացրի «ՀՀ 2017թ. պետական բյուջեի կատարման մասին» տարեկան հաշվետվության Սփյուռքի նախարարության մասը:

Հանդիպեցի Իրաքի հայոց թեմի առաջնորդ Ավագ արքեպիսկոպոս Ասատուրյանի հետ: Քննարկեցինք Իրաքի հայ համայնքին հուզող խնդիրները:

Այնուհետև ընդունեցի Ֆրանսիայի հայոց թեմի առաջնորդ Վահան եպիսկոպոս Հովհաննիսյանին, Մայր Աթոռ Սուրբ Էջմիածնի Քրիստոնեական դաստիարակության կենտրոնի տնօրեն Վարդան եպիսկոպոս Նավասարդյանին և ամերիկահայ գործարար Վահան Թանալին: