Ռուս փրանքերները Լեհաստանի վարչապետի անունից խոսել են ՄԱԿ-ի ԱՄՆ ներկայացուցչի հետ (տեսանյութ)

Ռուս փրանքերներ (անգլ. pranker - կատակարար) Ալեքսեյ Ստոլյարովը (Լեքսուս) և Վլադիմիր Կուզնեցովը (Վովան) Լեհաստանի վարչապետ Մաթեուշ Մորավեցկու անունից կապ են հաստատել ՄԱԿ-ում ԱՄՆ մշտական ներկայացուցիչ Նիկի Հեյլիի հետ, հայտնում է РИА Новости-ն:

Երիտասարդները զրույցի ձայնագրությունը հրապարակվել է YouTube-ում, :

Նրանք քննարկել են ՄԱԿ-ի Անվտանգության խորհրդում նացիզմի հերոսության դեմ պայքարի անհրաժեշտության մասին քվեարկությունը, Երուսաղեմի մասին ԱՄՆ որոշումը, Վաշինգտոնի և Կիևի միջև զենքի մատակարարման համաձայնագիրը, «Հյուսիսային հոսանք-2» ռուսական նախագիծը, Վրաստանի նախկին նախագահ Միխայիլ Սաակաշվիլիի մասին:

Զրույցը տևել է 12 րոպե, որի ընթացքում հարցերից շատերին ամերիկացի պաշտոնյան ընդհանուր պատասխաններ է տվել, նաև կոնկրետ հայտարարություններ է արել: Այսպես. խոսելով ռուս-ուկրաինական հակասությունների մասին, Հեյլին հայտարարել է, որ ԱՄՆ-ի և Ուկրաինայի հարաբերությունների հիմքը բոլոր հարցերում անվերապահ աջակցությունն է Կիևին:

Սաակաշվիլիի մասին փրանքերը՝ Լեհաստանի վարչապետի անունից ասել է, որ նա Լեհաստանի միջոցով է հայտնվել Ուկրաինայում և նախկին նախագահի համար խայտառակություն է, քանի որ նրան ռուսական լրտես են անվանել՝ Ուկրաինայի նախագահին դեմ գնալու համար: Նա խնդրել է աջակցել Սահակաշվիլիին եւ «ճնշում գործադրել» Ուկրաինայի իշխանությունների վրա, քանի որ վստահ է, որ նախկին նախագահի գործը զուտ քաղաքական բնույթ է կրում: