Հայաստանի կանանց բադմինթոնի առաջատար Լիլիթ Մողոսյանը մեկնել է Հոլբեկ

Կանանց բադմինթոնի վերջին տարիների ՀՀ անփոփոխ առաջատար Լիլիթ Պողոսյանն, ով ապրիլի 17-ին, դարձավ 21 տարեկան, 2-րդ տարին անընդմեջ արժանացել էր մեծ պատվի: Կանանց բադմինթոնի մենախաղի ՀՀ 8-ակի, զուգախաղի 7-ակի չեմպիոնուհին աշխարհամասի 48 ուժեղագույն բադմինթոնիստուհիների շարքում իրավունք էր ստացել մասնակցելու կանանց բադմինթոնի 2017թ Եվրոպայի առաջնությանը, որը ապրիլի 25-30-ն ընթանցավ Դանիայի Կոլդինգ քաղաքում:

Ապրիլի 25-ին 1/32-րդ փուլում Պողոսյանն ուժերն չափեց 2009 թվականից Ֆինլանդիայի կանանց առաջնության անփոփոխ չեմպիոնուհի, 25-ամյա ֆիննուհի Նանա Վայնիոյի հետ: Վերջինս ներկայումս միջազգային դասակարգման աղյուսակում մենախաղում զբաղեցնում է 58-րդ, Եվրոպայում ՝ 53-րդ հորիզոանկանը: Համեմատության համար նշենք, որ մենախաղի ՀՀ 8-ակի չեմպիոնուհի Լիլիթ Պողոսյանը համաշխարհային դասակարգման աղյուսակում զբաղեցնում էր 395-րդ, իսկ Եվրոպայում՝ 216-րդ տեղը:
Փորձ ու հմտությունն, և իհարկե մրցակցային զգալի փորձ իրենց գործն արեցին և ֆիննուհին հաղթեց 21:11,21:11 հաշվով:

«Նա բավական փորձառու խաղացող է։ 4 տարի առաջ Ֆինլանդիայում թողել է ամեն ինչ ու տեղափոխվել Դանիա՝ օլիմպիական երազանքն իրականացնելու։ Ամեն շաբաթ միջազգային մրցաշարերի է մասնակցում, հանդես է գալիս նաև Մալայզիայում ակումբային առաջնությունում: Ինքնին պարզ է, թե որքան ուժեղ է սա նրան դարձնում։ Իսկ ես սովորական հայուհի եմ, որը փորձում է Հայաստանն առաջին անգամ տանել այս ճանապարհով։ Շատ դժվար ճանապարհ եմ ընտրել, բայց խոստացել եմ գնալ մինչև վերջ ու դիմանալ բոլոր փորձություններին:

Բնականբար ես չեմ տխրում։ Հասկանալի է, որ նա, ով ավելի շատ է աշխատում, հաղթում է։ Ես իսկապես շատ եմ աշխատել Հայաստանում, արել եմ այն, ինչ ինձնից կախված էր։ Բայց միայն պարապելով ոչինչ չի որոշվում։ Մարդիկ անընդհատ մրցումներում են ելույթ ունենում, որպեսզի կատարելագործեն Մարզումների ընթացքում սովորածը : Այնուամենայնիվ, արել եմ ամեն ինչ, դժգոհչեմ իմ ցուցդրած խաղից, որովհետև արեցի այն, ինչ սովորել եմ»:

Ֆիննուհի Նանա Վայնիոն 1/16-րդ փուլում մրցեց աշխարհի 38-րդ ռակետ, 2012 և 2016 թթ օլիմպիական խաղերի մասնակից, 29-ամյա շվեյցարուհի Սաբրինա Ջաքեթի հետ:Այստեղ հաջողությունն ուղեկցեց շվեյցարուհուն ՝ստուգատեսի, ապա բրոնզե մեդալակրուհուն, ով 21:15,21:11 հաշվով հաղթեց մրցակցին ու այնուհետև հասավ մինչև կիսաեզրափակիչ:Այստեղ էլ Ջաքեթը 20:22,10:21տանուլ տվեց աշխարհի 44 –րդ ռակետ, շոտլադուհի Քրիստի Գիլմուրին , ու բավարավեց բրոնզե պարգևով: 2-րդ բրոնզե մեդալը բաժին հասավ տանտերերի ներկայացուցիչ ՝ Մեթ Պուլսենին ,ու կիսաեզրափակչում 13:21,18:21 հաշվով զիջեց Եվրոպայի ապագա չեմպիոնուհուն 23-ամյա իսպանուհի Կարոլինա Մարինին: Վերջինս կանանց մենախաղի 2016թ օլիմպիական խաղերի , 2014թ և 2015թ՝ աշխարհի, ինչպես նաև 2014թև 2016թ ՝ Եվրոպայի չեմպիոնուհին է , ունաև աշխարհի 2-րդ ռակետը: : Մարինը եզրափակչում 21:14,21:12 հաշվով առավելոթւյան հասավ նաև Գիլմուրի նկատմամբ ու իր կարիերայի ընթացքում արդեն 3-րդ անգամ հռչակվեց Եվրոպայի չեմպիոնուհի:

Չնայած մեկնարկում կրած պարտության Լիլիթ Պողոսյանը Եվրոպայի առաջնությանը մասնակցելու համար ստացավ վարկանիշային 660 միավոր:Այստեղ նա հնարավորոթւյուն ունեցավ առաջնության օրերին հանդիպելու, շփվելու, և ականատեսը լինելու տիտղոսակիր շատ մարզուհիների ելույթներին ,ու մինչև ապրիլի 30-ը հարմարվետ պայմաններում մարզվելու հնսրավորություն ունեցավ:

Այսօր՝ մայիսի 1-ին նա մեկնեց Դանիայի Հոլբեկ քաղաք՝ բադմինթոնի եվրոպական համադաշնության՝ ԲԵՀ-ի «Center of Excellence» ծրագրի շրջանակներում 5-օրյա մարզումային հավաքի մասնակցելու։ Մայիսի 6-ին կվերադառնա Հայաստան, երեք շաբաթով կդադարեցնի մարզումներն, որպեսզի համալսարանական ավարտական քննություններին պատրաստվի ու դիպլոմային աշխատանքը պաշտպանի։ Իսկ սեպտեմբերից կտեղափոխվի Դանիա՝ «Centre of Excellence» ծրագրով Եվրոպայի 24հեռանկարային բադմինթոնիստների շարքում քառամյա մարզումային ճամբարում մնալու և մարզվելու։ Այս կերպ նա փորձելու է իրականացնել 2020 թ. Տոկիոյի օլիմպիական խաղերին մասնակցելու երազանքը:

Արամ Ուգուջյանը. Ֆեյսբուք: