Արթուր Ալեքսանյանի մասնակցությունը Եվրոպայի առաջնությանն առայժմ հարցականի տակ է

Ինչպես արդեն հայտնել ենք, մայիսի 5-7-ը Սերբիայի Նովի Սադ քաղաքում ընթանալիք հունահռոմեական ոճի ըմբշամարտի 2017 թ Եվրոպայի առաջնությանը նախապատրաստվող մարզաձևի ՀՀ ազգային հավաքականը, գլխավոր մարզիչ, օլիմպիական չեմպիոն Լևոն Ջուլֆալակյանի ղեկավարությամբ ապրիլի 19-ից մեկնել է Բելառուս, ուր կարևոր ստուգատեսից մեկնարկից առաջ եզրափակիչ ուսումնամարզական հավաքն է անցկացնում Ստայկիի օլիմպիական հայտնի մարզաբազայում:

Հավաքին մասնակցում են ՀՀ ընտրանու 10 ըմբիշներ ՝ Գևորգ Ղարիբյանը (59 կգ), Կարեն Ասլանյանը (66 կգ), Ռաֆայել Ալեքսանյանը (71 կգ), Կարապետ Չալյանը (75 կգ), Սարգիս Քոչարյանը (80 կգ) և Մաքսիմ Մանուկյանը (85 կգ), ինչպես նաև Արթուր Ալեքսանյանը (98կգ), Արսեն Ջուլֆալակյանը (75կգ) ,Վարշամ Բորանյանը (71կգ), ու Արթուր Շահինյանը (85կգ):

Դեռ նախորդ հավաքի ավարտին մոտ՝ ապրիլի 7-ին ՀՀ ընտրանու գլխավոր մարզիչը հայտնել էր Եվրոպայի առաջնությանը մասնացող ՀՀ 7 ըմբիշների 6-ի անունները:

Գերծանր ՝ 130կգ քաշային կարգում մարզիչը նպատակահարմար չէր գտնում ներկայացուցիչ ունենալ, իսկ 98կգ քաշային կարգի մասնակցի անունն էլ պիտի հայտարարվեր ապրիլի 25-ին:

Բանն այն էր, որ այս քաշային կարգի մեր անվիճելի առաջատար՝ 2016թ օլիմպիական խաղերի չեմպիոն, աշխարհի կրկնակի, Եվրոպայի եռակի չեմպիոն Արթուր Ալեքսանյանը մարզումների ժամանակ ցավեցրել էր ծունկը: Ու որոշվել էր սպասել մինչև ապրիլի 25-ը: Եթե մինչ այդ «ճերմակ արջը» ապաքինվեր, ապա նա կմեկնի Սերբիա, իսկ եթե զգան, որ վնասվածքը դեռ խանգարում է, ապա նրան կփոխարինի Արթուր Շահինյանը:

Ստայկիից ստացած տեղեկությունների համաձայն Արսեն Ջուլֆալակյանն ու Վարշամ Բորանյանը մարզչական շտաբի որոշմամբ հանդես չեն գալու Եվրոպայի առաջնությունում, և միանգամից սկսել են նախապատրաստվել օգոստոսի 21-26-ը Փարիզում կայանալիք ըմբշամարտի 2017 թ աշխարհի առաջնությանը, իսկ ահա օլիմպիական չեմպիոն Արթուր Ալեքսանյանը թեև մասնակցում է մարզումներին, սակայն Նովի Սադում նրա մասնակցությունը դեռ հարցականի տակ է:

Վերջնականապես այս հարցի պատասխանը պարզ կդառնա մինչև այս շաբաթվա վերջ: Հավելենք նաև,որ հավաքի ընթացքում ՀՀ ընտրանու ըմբիշների մարզումները գլխավոր մարզչի հետ մեկտեղ գլխավորում են մարզիչներ՝ Սամվել Գևորգյանը, Էդուարդ Սահակյանն ու Գևորգ Ալեքսանյանը:

Ըմբիշների մարզումներին ուշադիր հետևում է նաև հավաքականի բժիշկ Թելման Սարգսյանը: Ստայկիում ՀՀ ընտրանու ըմբիշներն ուսումնամարզական հավաքը կավարտեն մայիսի 4-ին, որտեղից էլ Եվրոպայի առաջնության 7մասնակիցները Լևոն Ջուլֆալակյանի ղեկավարությամբ կուղևորվեն մրցավայր: Այսօր ըմբշամարտի ՌԴ ֆեդերացիան ևս արդեն հայտարարել է հունահռոմեական ոճի հայ ըմբիշների գլխավոր մրցակիցների ՌԴ-ի ընտրանու Եվրոպայի առաջնության մասնակիցների վերջնական կազմը՝ 59կգ՝ Մինգիյան Սեմյոնով՝ 2012թ օլինպիական խաղերի բրոնզե մրցանակակիր, 2016թ Եվրոպայի չեմպիոն,

66կգ՝ Արտյոմ Սուրկով ՝ 2015թ Եվրwպական մարզական 1-ին խաղերի՝ Եվրոխաղերի չեմպիոն, 2015թ աշխարհի առաջնության մրցանակակիր, 71կգ՝ Աբհույազիգ Մացնիգով ,
75կգ՝ Չինգիզ Լաբազանով ՝ 71կգ քաշային կարգի 2014թ աշխարհի չեմպիոն, 2015թ Եվրոխաղերի մրցանակակիր,

80կգ՝ Ադլան Ակիև,

85կգ՝ Դավիթ Չակվետաձե՝2 016թ օլիմպիական խաղերի չեմպիոն, 2015թ Եվրոխաղերի չեմպիոն,

98կգ՝ Նիկիտա Մելնիկով ՝ 2013թ աշխարհի չեմպիոն,2016թ Եվորպայի չեմպիոն,
130կգ՝ Վիտալի Շչուր :

Մրցաշարի ժամանակացույցի համաձայն հունահռոմեական ոճի ըմբշամարտի Եվրոպայի առաջնության մրցումային 1-ին օրը՝ մայիսի 6-ին մեդալներ կխաղարկեն 59,66,98,130կգ քաշային կարգերի ըմբիշները:

Արամ Ուգուջյան. Ֆեյսբուք