Ինչպես է Էրդողանը նկարել հանրաքվեի 51,41% «այո»-ն (տեսանյութ)
Ադրբեջանական ընդդիմադիր «Meydan Tv»-ին մի սկանդալային տեսանյութ է հրապարակել ապրիլի 16-ին Թուրքիայում տեղի ունեցած սահմանադրության բարեփոխման հանրաքվեից, որի արդյունքում աննշան առավելությամբ հաղթանակ է տարել «էրդողանյան» սահմանադրությունը:
Նախնական արդյունքների հրապարակումից հետո թուրքական ընդդիմադիր կուսակցությունները խիստ կասկածի տակ դրեցին հանրաքվեի արդյունքները և չընդունեցին դրանք:
Թուրք ընդդիմադիրները մեղադրեցին Էրդողանի կողմնակիցներին հարնաքվեի ժամանակ մեծաքանակ կեղծիքների մեջ, որի արդյունքում Էրդողանը տարավ իրեն շատ անհրաժեշտ այդ հաղթանակը: Տեսանյութը նկարահանված է ընտրական տեղամասերից մեկում,ո րի անդամներն առանց կաշկանդվելու մեծ քանակությամբ ընտրաթերթիկների «այո»-ի մասը կնիքում են:
Թե ինչ նպատակով է դա արվում, երևի բոլորն էլ հասկանում են. մասսայական լցոնումների համար: Հենց այսպիսի կեղծիքների շնորհիվ էլ Էրդողանի առաջարկած «նեոսուլթանական» սահմանադրությունը հավաքեց 51% ձայն:
Զարմանալ կարելի է Էրդողանի կեղծարարների պրիմիտիվության վրա: Այսպիսի «հնացած» լցոնումների մեթոդը մեզ մոտ չի կիրառվում տասը տարուց ավել: Մեր ընտրակեղծարարներն ամեն ինչ անում են օրենքի շրջանակում:
Օրինկակ՝ ընտրություններից առաջ իրենց յուրայիններին, որոնք կարող են կազմել մի քանի հազար մարդ, տանում են և ժամանակավորապես գրանցում են քաղաքակրթությունից շատ հեռու գրեթե ամայացած գյուղերում և քաղաքների «փակ» բնակարաններում ,որոնք քվեարկում են լրացուցիչ ցուցակներով:
Այսինքն, ընտրակեղծարարն արդեն նախօրոք գիտի, թե քանի ձայն ունենալով է մասնակցում ընտրություններին: Իսկ Էրդողանը դեռ կիրառում է 20-րդ դարի վերջին ընդունված ընտրազեղծարարություններն ու խայտառակվում:
Մեր ընտրակեղծարարներին որ դիմեր, հիմա կունենար ոչ թե 3% առավելություն «ոչ»-ի նկատմամբ, այլ մի 15% ավել և հաղթանակն էլ ավելի ծանրակշիռ կլիներ:
Մերոնք այնպես կանեին,որ Արևմտյան Հայաստանում գտնվող կիսադատարկ գյուղերում, որտեղ 20 մարդ էլ չի ապրում, հանրաքվեի օրը մի 500 քվեարկող կհայտնվեր:
Գագիկ Համբարյան. Ֆեյսբուք