«ԵԼՔ»-ը մի շատ կարևոր անելիք ունի՝ մաքրել քաղաքական դաշտի ընդդիմության հատվածը քաղաքական աղբից

«Ալբանական կլանում» համընդհանուր հիասթափությանը տարբեր կերպ են արձագանքում: Մինչ այս պահը թվում է, որ «վարձով մնացողներն» ու «բնազդով ժողովրդավարները» գնահատելով անհաջողությունները ու անիմաստ կորուստների գնալու վտանգները, չեն հարձակվում այն մարդկանց վրա, ովքեր մեղավոր չեն իրենց կատարյալ ձախողման համար: Սակայն մնացած անդամներից առավել «սովածները» որոշել են վերջանակապես քաղաքականապես ինքնաոչնչանալ:

Հավանաբար 3 մեծ առաջնորդների 2%-ոց «հաջողությունից» հետո Ռոբը բարևներին չի պատասխանում: Ներկայացումը ավարտվեց դեռ առաջին արարի կեսից: Այս խմբակից մեկը նախ այսօր աննախադեպ մեղադրանք ներկայացրեց, նշելով որ կոնկրետ զորամասում (զորամասի անունը տվեց) հրահանգ է եղել ԵԼՔ-ի օգտին քվեարկել:

Դե հասկանալի է, որ նման աննախադեպ մեղադրանքը փաստեր է պահանջում: Դե դրանք կլինեն ճիշտ այնպես, ինչպես եղավ նրանց իշխանափոխությունը: Դրանից հետո լրագրողների աչքի առաջ նա խախտեց ընտրության գաղտնիության իրավունքը՝ հայտարարելով, որ ընտրատեղամասերից մեկում առավոտյան 30 հոգով եկել, քվեարկել են, իսկ հետո հաշվարկի ժամանակ պարզել են, որ նրանք բոլորը ԵԼՔ-ի օգտին են քվեարկել:

Դե օրենքի նման խախտումները դաշնակիցներից սովորած կլինի. նրանք երկար տարիներ դրա արդյունքներն են վայելել գոնե: Բայց ինչպիսի՜ «հանցագործության» բացահայտում: Բա որ իմանան քանի խմբեր են ընտանիքներով, ընկերներով, հարազատներով գնացել ու «ԵԼՔ»-ի օգտին քվեարկել՝ սիրտները չի դիմանա:

Հետո եկավ ավելի հետաքրքիրի հերթը: Պարզվեց ԵԼՔ-ի հովանավորը իշխանությունն է: Դե ժամանակին, որ իբր ուզում էին միասին դաշինք կազմել դեռ իշխանական չէին, քարոզարշավի ընթացքում, որ չէին բացառում նրանց հետ միավորվել՝ էլի իշխանակն չէին, բայց հենց ԵԼՔ-ին էլ, նրանց էլ ժողովուրդը իր գնահատականը տվեց՝ «ԵԼՔ»-ը դարձավ իշխանական նախագիծ: Նրանք պնդում են, որ թե ԵԼՔ-ին, թե նրանց օգտին գրվել է այնքան քվե, որքան տվել է ժողովուրդը: Նշանակում է կամ ժողովուրդը ընդդիմությանը գրեթե քվե չի տվել, կամ տվել է հենց ԵԼՔ-ին՝ վերջինիս համարելով ավելի լուրջ ընդդիմություն, քան՝ իրենց:

Այս «ընդդիմադիրներն» էլ ԱԺ-ում Ծառուկյանի թիմին են ընդդիմություն տեսնում: Նիկոլի ընդդիմադիր լինելը դեռ չեն տեսել, բայց դե մարդիկ մեծահոգի են ու չեն բացառում, որ գուցե ԵԼՔ-ը հասնի Ծառուկյանի դաշինքին ու դառնա ընդդիմադիր: Այս միտքը այնպիսի անհեթեթություն է, որ սրան լուրջ արձագանքել թերևս չարժե: Կարելի է պատասխանել իրենց համար պառլամենտական ընդդիմության առաջնորդի ոճով. մարդու՝ հատկապես քաղաքական գործչի համար պետք է ստեղծել համապատասխան պայման, հնարավորություն ուղեղ, ազնվություն ու սկզբունքայնություն ունենալու ու դրանք օգտագործելու համար:

«ԵԼՔ»-ը մի շարք գործերի հետ մի շատ կարևոր անելիք ունի. մաքրել քաղաքական դաշտի ընդդիմության հատվածը քաղաքական աղբից: