Սովորություններ, որոնք վնասում են քեզ
Գեղեցիկ եւ առողջ լինելու համար մենք հաճախ զբաղվում ենք սպորտով, հրաժարվում յուղոտ կերակրից եւ ծխելուց: Սակայն, որպես կանոն, չենք ազատվում վատ սովորություններից: Թվում է, թե դրանք մանրուք են, սակայն արժե մի լավ մտածել դրանց մասին:
Դուք դիտում եք հեռուստացույց 21.00-ից հետո - այս ժամերին հեռուստաեթերը լի է օրվա ընթացքում տեղի ունեցած բացասական դեպքերով: Նման դիտումները կարող են անհանգստության զգացում առաջացնել եւ ազդել քնի վրա' դառնալով անքնության պատճառ: Փոխարենը փորձեք լիցքաթափվել: Տաք լոգանք ընդունեք, հանգիստ երաժշտություն լսեք կամ էլ հետաքրքիր ու բարի գիրք կարդացեք:
Երբեք մի թողեք կարեւոր գործերը վաղվան, այլապես ստիպված կլինեք զգալ սթրեսի բացասական ազդեցությունը: Նա, ով ամեն ինչը անում է վերջին վարկյանին, ունենում է գլխացավ, անքնություն եւ ցածր իմունիտետ: Կարող եք պլանավորել ձեր գործերն այնպես,որ ամեն օր գոնե մի քայլով մոտենաք նպատակակետին: Իսկ օրվա ընթացքում պլանավորած գործերն անելով' բավարարություն կստանաք:
Ղեկին բջջայինով զրուցում եք - եթե ձեզ չի վախեցնում զգուշացումները կամ տուգանքները, ապա կարող է ազդել վիճակագրությունը, համաձայն որի, նման դեպքում վթարի ենթարկվելու ռիսկը մեծանում է 9 անգամ: Եթե, այնուամնեայնիվ, կարեւոր զանգի եք սպասում, ապա կանգնեցրեք մեքենան մի անկյունում եւ հանգիստ զրուցելուց հետո, շարունակեք ճանապարհը:
Չեք օգտագործում ատամները մաքրող թել կամ մոռանում եք լվանալ ատամները: Շատերը կարծում են, որ բերանի խոռոչի մաքրության համար բավական է միայն ատամի խոզանակը:Սակայն այդպես չէ: Միայն ատամի թելը կարող է կանխել լնդերի հիվանդությունը:
Շարունակում եք առանց կոֆեինի սուրճ խմել - Սա մեծ մոլորություն է: 40 տարեկանից բարձր կանանց մոտ, ովքեր սուրճն առանց կոֆեինի են խմում, ռեւմատիզմ ունենալու հավանականությունը 2 անգամ ավելի մեծ է:
Հաճախ մոռանում եք լվանալ ձեռքերը - սա ուղղակի հիգիենայի կանոն է, որին հետեւել է պետք: Այս կերպ կխուսափեք տարբեր ինֆեկցիաների առաջացումից: