Պիպա Միդլթոնն ու իր միլիարդատեր փեսացուն կամուսնանան (լուսանկարներ)

Քեյթ Միդլթոնի կրսեր քրոջ՝ 32-ամյա Պիպայի և 40-ամյա միլիարդատեր Ջեյմս Մեթյուզի հարսանեկան արարողությունը տեղի կունենա 2017 թ.-ի մայիսի 20-ին Պիպայի հայրական տանից քիչ հեռու սբ. Մարկոսի եկեղեցում (Բերքշիրի կոմսություն): Այս մասին գրում է Elle.ru-ն:

Սպասվում է, որ արարողությունն իր շքեղությամբ կգերազանցի թագավորական հարսանիքին: Ի վերջո Ջեյմս Մեթյուզը նախանձելի փեսացու լինելուց բացի նաև առատաձեռն է:

Նշանադրությանը 40-ամյա միլիարդատերն իր ընտրյալին էր նվիրել 200.000 ֆունտ ստերլինգ արժողությամբ մատանի, որը պատրաստված է անցյալ դարի 20-ական թթ.-ին:Օրինակ՝ Քեյթին արքայազն Ուիլյամի նվիրած նշանադրության մատանու արժեքը գնահատվում է ոչ ավել քան 100.000 ֆունտ ստերլինգ: