«Metallica»-ն աշխարհի ամենահայտնի մետալ խումբն է

«Spotify» ծառայության հրապարակած տվյալների համաձայն` «Metallica» խումբը ամենամեծ լսարան ունեցող մետալ խումբն է ողջ աշխարհում: Այս երաժշտության կանոնավոր ունկնդիրների թիվը հասել է 7 մլն-ի:

Վերջերս թիմը թողարկել է իր տասներորդ ձայնասկավառակը` «Hardwired… To Self-Destruct»-ը, ինչպես նաև տեսահոլովակներ ձայներիզի յուրաքանչյուր երգի համար: Գլխավոր հիթը դարձել է «Enter Sandman» երգը. այն լսվել է ավելի քան 108 միլիոն անգամ:

Ավելի քան 15 միլիոն մարդ ներառել է խմբի երգերը իր մշտական ​​երգացանկում: Այս մասին նշում է «Apelzin» թերթը:

Նշենք, որ խմբի թողարկած վերջին ձայներիզը «Metallica»-ի առաջին լիամետրաժ ձայնագրությունն է 2008թ.-ից հետո:

Այժմ երաժիշտները մտածում են թողարկել «cover»-ների նոր ձայնասկավառակ: