Հաջորդ տարվա ծրագրի շրջանակներում ներկայացված բոլոր միջոցառումները և ուղղությունները սոցիալական բեռի թեթևացում կբերեն. Արտեմ Ասատրյան (տեսանյութ)

Այսօր՝ նոյեմբերի 2-ին, ԱԺ-ում Աշխատանքի և սոցիալական հարցերի նախարար Արտեմ Ասատրյանը լրագրողների հետ զրույցում պատասխանելով այն հարցին, թե ինչով է պայմանավորված, որ չի բարձրացվում կենսաթոշակները, արդյոք բյուջեն դատարկ է և գումարների սղություն կա, ասաց. «Անրհրաժեշտ միջոցները, որոնք նախատեսվել են 2017 թվականի բյուջեյի նախագծում, մոտ 30%-ը նախատեսված է սոցիալական ոլորտին, նույնիսկ մի փոքր ավելի տոկոսային հարաբերակցությամբ, քան անցյալ տարի»

Այն հարցին, թե նախարարն անցյալ տարի կանխատեսել էր, որ այս տարի ավելի վատ է լինելու և փաստացի ստացվեց այնպես, որ եղավ, ինչ կանխատեսումներ կան հաջորդ տարվա համար, նա արձագանքելով անցյալ տարվա կանխատեսմանը՝ նշեց. «Իսկապե՞ս: Ես կարծում եմ, որ հաջորդ տարվա ծրագրի շրջանակներում, այն բոլոր միջոցառումները և ուղղությունները, որ ներկայացված են, պետք է նաև սոցիալական բեռի թեթևացում բերեն»

Մեկ այլ հարցին, թե եթե նախարարն ասում է, որ բարելավում կլինի, ապա ինչ չափանիշներով է դա արվելու և քանի տոկոսով կմեղմվի սոցիալական բեռը, նա նշեց. «Այդպիսի տոկոսներ կամ նման գնահատականներ տալը բնականաբար տեղին չի լինի և կլինի ոչ մասնագիտական: Ես նկատի ունեմ մասնավորապես էլէկտրաէներգիայի և գազի սակագների տարբերակված մոտեցման հետ կապված՝ սոցիալապես անապահով ընտանիքների մասով: Նկատի ունեմ նաև այն ուղղությունները, նույն սակագների հետ կապված, որ վերցված է մասնավորապես ջերմոցային տնտեսությունների և գյուղմթերքի վերամշակում, որը եթե ամբողջ շղթան ենք մշակում, ապա բացառապես ուղղված է սոցիալական խնդիրների լուծմանը»

Մանրամասները՝ տեսանյութում: